VOV4.K’ho – Bơh tu\ do tus ngai 31/3 do, trồ tiah ală kơnhòal, [òn dờng tàm càr Kon Tum prang duh soat dà jo\ jòng, digơlan gơlik geh ồs sa dờng mờ mhar gơ rề tàm ală bơta brê; đơs lài ồs sa brê kấp ngòt rơngơt ngan. Mpồl đơng lam broă lơh atbồ, sền gàr mờ bơtàu tơnguh brê càr Kon Tum sồr mpồl lơh broă làm gah atbồ, sền gàr brê kấp kơnhòal, ală mpồl lơh broă gơ wèt Chi cục Kiểm lâm, ală mpồl tam brê jat bè kơ nòl broă, gơnoar broă nàng lam lơh ală broă lơh rơcang sơndră, crùh ồs sa brê.

Tàm hơ\, sùm lòt sền, chul chồl broă lơh rơcang sơndră, crùh ồs sa brê; sền gròi cau mờ phan bơna mut tàm brê; ờ ai lơh ală broă lơh chu tơdau lơh mìr, chu nhơt ru\ rơm; dờp git, đal git bă ồs sa bơh website Cục Kiểm lâm dê. Dilah gơlik geh ồs sa brê, mpồl lơh broă làm gah kấp kơnhòal, ală mpồl tờm brê yal mpồl dong broă bơh Mpồl đơng lam broă lơh atbồ, sền gàr mờ bơtàu tơnguh brê càr Kon Tum in; yal mhar mờ yal mùl màl jat mờ jơnau sồr. Tơ nơ\ pah dơ\ ồs sa pal lùp khàu mờ jòi git cau tờm lơh, lơh glài krà` jat jơnau cih adat boh lam dê.

Cau mblàng K’Duẩn