VOV4.K’ho – Tàm [làng dờng tiah tàm gùl kơnhòal Kon Plông, Ban tài bơta gơguh jak cau ùr càr Kon Tum dê bơyai lơh dơ\ lam lơh Nhai lơh broă tài ring bal cau klau, cau ùr mờ rơcang, sơndră tam lơh tam pờng bơh bơta cau klau cau ùr nam 2019.

Jat broă rơndap lơh, Nhai lơh broă nam do geh lam lơh tàm gùt càr bơh ngai 15/11 tus ngai 15/12/2019 mờ ală broă lơh tờm: Bơyai lơh dơ\ lam lơh Nhai lơh broă; bơyai lơh mblàng yal ală tơngume, jơnau kờ` pơyua mờ broă lơh bơh Nhai lơh broă dê tàm ală anih yal jơnau bè tivi, rơdô, sră [ău tàm càr, tàm ală pang yal jơnau tàm điện tử bơh ală sở, gah broă lơh, mpồl bal dê; mblàng yal mờ broă ai lơh pơn yơu ngan ngồn; bơyai lơh sền sơwì bè lam lơh ring bal cau klau cau ùr tàm ală kấp, ală gah broă lơh… nàng kờ` tơnguh jơnau git wă bơh kuang bàng, công chức, viên chức mờ làng bol dê bè ring bal cau klau cau ùr mờ rơcang sơndră tam lơh tam pờng bơh bơta cau klau cau ùr. Do kung là tu\ nàng ală kấp, ală gah broă lơh sơlơ tơnguh broă lơh bơto bơtê jơnau git wă, bơta chài sền gàr is, rơcang sơndră is gơtìp lơh aniai tus mờ cau ùr mờ kơnòm dềt.

Cau mblàng K’Duẩn