VOV4.K’ho- Bơh khà priă tă tơm priă sền gàr brê, uă hìu bơnhă dờp sền gàr brê tàm kơnhoàl Kon Braih, càr Kon Tum neh bơcri priă blơi kòn sơn tìl bơtàu tơnguh phan ròng, blơi phơng sih nàng sơng ka sền gàr phan tam bơtàu tơnguh lơh sa. Tơnơ\ 10 nam mut lơh, bơh broă bơcri priă di pal, uă hìu bơnhă neh brồ guh lik klàs r[ah, geh priă lơh hìu đam dờng niam, ròng oh kòn bơsram tus gùng tus dà. Broă sền gàr brê tàm tiah do kung geh tơnguh loh làng ngan.

 Ồng A Lít, cau Sơdàng, ơm tàm [òn Kon Ktủ, xã Đắk Ruồng, kơnhoàl Kon Braih, càr Kon Tum, dờp sền gàr mờr 28 lồ brê geh is bơh nam 2008. Ồng A Lít pà g^t, pah nam hìu bơnhă dờp geh kờp bal bơh 15-19 tơlak priă jền dong kờl broă tă tơm priă sền gàr brê. Bơh khà priă do, hìu bơnhă neh ngui nàng blơi sur sơn tìl rê ròng, phơng sih rê sơng ka sền gàr 1 lồ 2 sào kao su, 3 lồ bùm blàng, 1 lồ kơphê, mờ mờr 100 tờm chi bời lời. Tu\ do broă ròng phan, tam phan ai hìu bơnhă in priă cồng lơh geh pơgap bơh 90 tus 100 tơlak pah nam. Kơnờm bơh hơ\, hìu bơnhă neh geh priă lơh hìu dờng nam, geh priă ròng oh kòn bơsram sră.

 A` gơlơh tu\ dờp geh priă bơh broă tă tơm priă sền gàr brê den geh kuơ ngan ai làng bol tàm [òn lơgar bè bol a` in. Ală hìu bơnhă dờp geh priă tă tơm priă sền gàr brê  geh tai priă blơi ală phan mờ bơcri priă lơh sa hìu bơnhă. Mờ tu\ geh dờp geh priă tă tơm priă sền gàr brê den broă atbồ, sền gàr brê kung geh tơnguh uă. Pah nhai, pah quý bol a` pal lòt sền  gàr brê, tu\ g^t go\ den pơgồp bal mờ kuang bàng xã, kiểm lâm nàng wàng ku\p.

Bơh khà priă tă tơm priă sền gàr brê, uă hìu bơnhă tàm kơnhoàl Kon Braih blơi phơng sih rê sơng ka sền gàr phan tam lơh geh uă priă jền 

Ndrờm bè hơ\ sơl, ồng Phạm Văn Hải ơm tàm thôn 12, xã Đắk Tờ Re, kơnhoàl Kon Braih, kung dờp sền gàr 8 lồ 2 sào brê bơh lồi nam 2012. Jat ồng Hải, broă dờp priă tă tơm priă sền gàr brê lơh geh bơta kuơ 2 dơ,\ tu\ bă ù brê dờp geh sền gàr niam rlau, làng bol geh tai priă jền nàng bơcri priă blơi kòn sơn tìl bơtàu tơnguh lơh sa. Mìng is hìu bơnhă ồng dê, tàm 2 nam bơh nam 2017 tus nam 2018, dờp geh rlau 26 tơlak priă. Jơh ală priă do neh geh bơcri blơi phơng sih, blơi sơnơm [ồm gơ sơ\t tu nàng sơng ka sền gàr 1 lồ 5 sào kao su, rlau 2 lồ kơphê mờ 3 lồ 5 sao bùm blàng. Digơlan tus lồi nam 2019, jơh ală chi tam do geh ai tơnhào pơgap 250 tơlak priă.

Kes priă sền gàr brê pah nam geh tă tơm priă sền gàr brê ai bol a` in, tu\ dờp priă rê den bol a` ngui nàng blơi phơng sih tờm kao su, kơphê mờ bùm blàng in nàng bơtàu tơnguh lơh sa hìu bơnhă niam rlau tai. Mờ tu\ geh dờp priă jền den làng bol thôn 12 bol a` sùm lòt sền gàr brê. Tu\ brê geh sền gàr den jơnau sơ gràm, koh kơl brê ờ gam gơlik geh tai, bă brê geh sền gàr niam.

Tus tu\ do, kơnhoàl Kon Braih, càr Kon Tum geh 983 hìu bơnhă mờ 24 [òn geh dờp sền gàr 12 rơbô 800 lồ brê geh is. Tơl lồ ală hìu bơnhă halà mpồl bơtìan dờp geh bơta dong kờl bơh 700 tus 813 rơbô đông priă tă tơm priă sền gàr brê.

Uă hìu bơnhă neh lik klàs r[ah, brồ guh lơh pas 

Jat ồng A Nguy, Phó chủ tịch UBND xã Đắk Tờ Re, kơnhoàl Kon Braih yal, bơh tu\ lơh jat broă lơh tă tơm priă sền gàr brê tàm ù tiah kơnhoàl dê, den broă sền gàr mờ bơtàu tơnguh brê geh uă bơta tam gơl niam ngan, jơnau koh kơl, ồs sa brê, sơ gràm ù brê, koh kơl dơm chi tìs mờ adat boh lam neh gơmù uă. Brê hời rơ hời geh niam wơl, tơnguh bơta pràn rcang gàr bồ tô dà, tam pà dà mờ gàr tơl khà dà kơ\ kơl jap ai brê geh is in.

Ồng A Nguy pà g^t, tu\ làng bol geh dờp priă jền dong kờl bơh broă tă tơm priă sền gàr brê mờ ngui di mờ jơnau kờ` bơcri priă ròng phan, tam phan neh lơh geh priă jền uă ngan. Bơh hơ\, dong ală hìu bơnhă dờp broă sền gàr brê, ală mpồl bơtìan ơm kis tu\ do ờ gam geh hìu bơnhă r[ah tai, geh tu\ uă hìu bơnhă neh pas sơm.(B)

Làng bol neh ngui niam ngan khà priă tă tơm priă sền gàr brê rê blơi phơng sih, sơng ka sền gàr phan tam, blơi kơn rồ, sur, be rê nàng bơtàu tơnguh lơh sa lơh geh uă priă jền. Lơh sa bơh làng bol dê kơnờm bơh hơ\ mờ geh tam gơl. Bơdìh hơ\, lài do brê ờ hềt geh jàu den jơnau koh kơl dơm chi, mus brê gơlik geh kal ke ngan; mơya, tu\ do den geh priă jền jàu làng bol in den kơnòl bơh làng bol dê geh tơnguh uă, lơh brê ờ gam hoàc huơr tai tài làng bol sền gàr brê niam ngan, bă brê geh gàr niam kơ\ kơl jap.

Rlau 10 nam do, bal mờ cồng nha tàm broă tơnguh uă bơta g^t wă bơh làng bol dê bè broă atbồ, sền gàr brê, broă tă tơm priă sền gàr brê tàm kơnhoàl Kon Braih, càr Kon Tum neh dong làng bol geh tai priă jền nàng bơcri priă ròng phan, tam phan tơnguh priă lơh geh, dong làng bol tơn jơh jơ gloh tơrmù r[ah cồng nha. Bơh hơ\, rài kis làng bol dê, ngan là làng bol kòn cau hời rơ hời geh tam gơl niam, làng bol geh sơlơ rềp mềr mờ brê.

Cau mblàng K’ Hạnh