VOV4.K’ho – Tàm càr Kon Tum, là tiah geh bă brê mờ ù lâm nghiệp gơguh tus rlau 779 rbô lồ, tàm hơ\ bă ù geh brê là rlau 602 rbô lồ den broă lam lơh jat geh cồng nha Adat Lâm nghiệp geh pơrya kuơmàng ngan tàm broă atbồ, sền gàr, bơtàu tơnguh brê mờ tơnguh pria\ lơh geh làng bol dê.

Tơnơ\ tu\ Adat Lâm nghiệp geh Quốc hội khóa 14, pơrjum dơ\ 4 ring bal tàm ngai 15/11/2017 mờ geh ai ngui ngan ngồn bơh ngai 1/1/2019, càr Kon Tum neh rơcang lài bơt bơtàu broă rơndap lơh lam lơh jat. Nàng Adat Lâm Nghiệp geh ngui ngan ngồn tàm rài kis, Chi cục kiểm lâm càr Kon Tum mờ ua\ broă lơh neh chồl pràn broă lơh mblàng yal, lam lơh jat jrô ơnàng, di tu\ tus kấp ủy, gơnoar atbồ ală kấp, mpồl lơh sa kă bro mờ làng bol tàm càr.

Ồng Trần Văn Độ, Kuang atbồ Hạt kiểm lâm kơnhòal Kon Braih, là tiah geh 58 rbô lồ brê pà git: “Tơnơ\ tu\ Adat Lâm nghiệp geh lam lơh jat ngan ngồn den bol a` kung neh đơng lam ai jơh ală mpồl kiểm lâm tàm kơnhòal in bơyai lơh, lam lơh broă mblàng yal bè Adat Lâm nghiệp nam 2017. Mờ 4 Nghị định, 7 Thông tư geh gơ rềng tus broă lam lơh jat Adat Lâm nghiệp nàng tơl nă cau in git mờ lam lơh jat jơh nùs”.

Tus tu\ do, bulah rơp pa lam lơh jat Adat Lâm nghiệp nam 2017 mờr 10 nhai, mơya cồng nha ngan ngồn tàm càr Kon Tum ai go\, ală jơnau cih bơh Adat dê neh geh ai ngui ngan ngồn tàm rài kis, pơgồp bơnah atbồ ală broă lơh bè lâm nghiệp geh cồng nha rlau. Bal mờ hơ\ neh gơtùi tơnguh ală bơta [uơn brê dê jat gùng dà broă lơh là gah lơh sa – kỹ thuật mờ gơtùi bơsong ală bơta ờ niam lài do.

Ồng Đào Xuân Thủy, Kuang atbồ Mpồl atbồ brê dà lơgar Chư Mom Ray pà git, sền gròi ua\ tus gơnoar broă, kơnòl broă bơh cau tờm brê dê. Do là 1 tàm 6 bơta pa kuơmàng bơh Adat Lâm nghiệp nam 2017 dê: “Bol a` đal git kơnòl broă bơh cau tờm brê dê geh sền gròi lài ngan. Tu\ do tàm Adat Lâm nghiệp nam 2017 neh đơs loh làng ngan kơnòl bơh cau tờm brê dê tu\ lam lơh kơnòl atbồ, sền gàr brê mờ tu\ lời gơlik geh bơta roh brê. Bol a` dờp git kơnòl lài ngan kung gam là cau tờm brê dê là tờm ngan. Tơnơ\ hơ\ tus kơnòl pơgồp bal bơh ală mpồl, gah broă lơh geh gơ rềng”.

Đal git lâm nghiệp là dùl gah lơh sa – mpồl bơtìan krơi is, geh jơh ală broă lơh gơ jat bal mờ lơh gơlik phan bơna kă bro mờ broă drơng ala gơ rềng tus brê, càr Kon Tum gam chồl pràn bơtàu tơnguh lơh sa brê. Tus tu\ do, càr  neh ai 10 mpồl lơh sa kă bro ơpah mờr 7 rbô 600 lồ brê nàng tam tờm chi lơh sơnơm hơ đơm m[ur brê. Mìng kờp is tàm 5 nhai bồ nam 2019, càr Kon Tum neh jàu rlau 201 rbô lồ brê ai 10 mpồl, 335 [òn làng bol ơm kis, 233 mpồl hìu bơnhă mờ 2 rbô 206 hìu bơnhă in atbồ mờ sền gàr.

Ồng A Thai, Chủ tịch UBND xã Đăk Long, kơnhòal Đăk Glei pà git, bơh tu\ 652 lồ brê bơh xã atbồ geh jàu 8 [òn làng bol ơm kis in lơh tờm mờ tài geh dờp pria\ tơm sền gàr brê den tàng brê neh geh sền gàr niam rlau: “{òn lơgar lơh broă bal den go\ cồng nha lơh geh niam ngan. {òn lơgar kung chờ hờp ngan. Kung lơh geh pria\ jền [òn lơgar in tai”.

Bal mờ bơta [uơn là kuơmàng lài ngan, tơnơ\ mờr 10 nhai càr Kon Tum lam lơh jat Adat Lâm nghiệp nam 2017, mùl màl ai go\, 2, 3 nă kuang bàng tàm càr kung ờ hềt klo jơnau yal lơh bơta git wă, broă lơh ờ hềt di mờ jơnau cih bơh Adat dê.

Ồng Nguyễn Văn Nam, Phó Kuang atbồ Chi cục Kiểm lâm càr Kon Tum yal ală bơta pa tàm adat do pal sền gròi: “Lài ngan là Adat Lâm nghiệp neh rề ơnàng khà tam gơl jat gùng dà broă lơh ròt ală broă lơh lâm nghiệp mờ atbồ, sền gàr, bơtàu tơnguh, ngui mờ lơh gơlik kă bro phan brê, ai tơnggo\ loh làng lâm nghiệp là dùl gah lơh sa kỹ thuật krơi is ngan, geh jơh ală broă lơh gơ jat bal mờ broă lơh gơlik phan bơna kă bro mờ broă drơng ala kă bro geh cồng nha geh gơ rềng tus brê. Dơ\ 2 là Adat Lâm nghiệp geh bơta pa bè jơnau pơrya bè brê. Dơ\ 3 adat neh geh tam gơl gơs thể chế mờ chế định atbồ brê. Dơ\ 4 là Adat neh tơmù tàm 1 tap jơnau cih bè lơh gơlik mờ kă bro phan brê. Bơta pa dut ndơl là tam gơl pa broă lơh bè lâm nghiệp. Ờ gam jơnau cih bè jàu brê geh ai pria\ ngui brê tai mờ ala mờ broă jàu brê mờ ai ơpah brê.

Tàm bơnah 4 bơh bơta 102 dê, den geh jơnau cih bal dùl jơnau,là dilah tàm ù tiah bơh [òn lơgar lơi lời gơlik geh ồs sa brê, kơl mus brê halà roh brê tài broă lơh tìs adat boh lam tàm gah atbồ, sền gàr brê gơ wèt tiah lơi dê den gơnoar atbồ kấp hơ đơm pal kong kơnòl, mùl màl rlau là Chủ tịch UBND pal kong kơ nòl tềng đap adat boh lam mờ kong kơ nòl tơn tềng đap Chủ tịch UBND kấp hơ đang”.

Cau mblàng K’Duẩn