VOV4,K’ho- Tàm Kon Tum, tài bơh trồ tiah ờ niam, mìu ết rlau mờ nam lài den broă tă priă sền gàr brê nam do geh đơs là geh gơtìp uă kal ke. Mơya bal mờ bơta lơh ngan jơh nùs lơh gơs broă rơndap lơh tă priă rlau 252 tơmàn, Kes priă sền gàr mờ bơtàu tơnguh brê càr Kon Tum gam lơh ngan mut lơh uă gùng dà broă lơh nàng lơh gơs kơnòl.

Tàm càr Kon Tum 36 hìu ma\y pờ tơlik ồs đèng pal tơm priă drơng broă sền gàr brê. Nam 2019, UBND càr Kon Tum ki\ broă rơndap lơh tă priă drơng broă sền gàr brê là rlau 252 tơmàn, lơyah rlau khà priă mờ Kes priă sền gàr mờ bơtàu tơnguh brê càr Kon Tum dê tă geh nam 2018.

Mơya, jat Kuang atbồ bồ ồng Hồ Thanh Hoàng, bulah jơnau kờ` lơyah, mơya broă lơh gơs gơtùi broă rơndap lơh tă priă nam do geh kal ke rlau tai. Jơnau gơbàn là trồ tiah ờ niam, mìu ờ uă rlau mờ ală nam. Tềng đap jơnau geh ngan do, mpồl lơh broă gam lơh ngan lơh jat uă broă lơh lơh ngan jơh nùs lơh gơs broă rơndap lơh.

Kes priă sền gàr mờ bơtàu tơnguh brê càr Kon Tum sùm sồr lơh mhar, lơh broă mờ ală mpồl ngui drơng broă brê geh tàm dơlam càr nàng sồr tơm tơl priă jền drơng broă brê mờ tơm jơh ală priă cồng lơyaì tơm jat jơnau sồr dê. Mờ bol a` kung geh lơh ngan lơh uă broă lơh ndai krơi is nàng lùp wơl ală bơnah dồs bơh ală mpồl lơh broă dê gam pal tơm tàm Kes priă. Sồr Kes priă sền gàr mờ bơtàu tơnguh brê Việt Nam tam pà priă bơh ală mpồl geh drơng broă sền gàr brê geh ù tiah tàm ală càr jat di tu\ tơngai jơnau sồr dê.

 Bal mờ ală broă lơh nàng tă priă di pal, di tơl khà priă ngui drơng broă sền gàr  brê  bơh 36 hìu ma\y pờ tơlik ồs đèng dê, Kes priă sền gàr mờ bơtàu tơnguh brê càr Kon Tum kung gam lơh ngan tàm broă rề ơnàng tă priă. Bơh bồ nam tơn mpồl neh cribơyai mờ UBND càr ai ngui jơnau sồr lơh jat tă priă drơng broă sền gàr brê, mơkung ki\ sră cih mat ală anih lơh sa mờ ma\y mok geh ngui dà bơh dà drơng broă ai broă lơh sa mờ ma\y mok in pal tơm priă drơng broă sền gàr  brê in.

Nàng tă geh priă bơh ală mpồl lơh sa kă bro dê, Kes priă sền gàr  mờ bơtàu tơnguh brê càr Kon Tum pal tus tơl mpồl lơh sa kă bro, mblàng yal loh làng, cribơyai ki\ hơ sră pơr gon. Là mpồl lơh sa kă bro sùm lơh gơlik [òk bùm blàng geh hìu ma\y tàm xã Đăk Ruồng, kơnhoàl Kon Braih bal mờ bơta pràn lơh 200 tấn [òk bùm dùl ngai, ồng Trần Văn Xuân, Tổng giám đốc Công ty Cổ phần Fococev Tây Nguyên pà g^t, nùs nhơm bè broă tă tơm priă sền gàr brê gơ wèt mờ dà croh là 1 rơbô 750 khối dà tàm dùl ngai mang drơng broă lơh sa in.

Gơ wèt mờ Công ty là dùl gah lơh gơlik [òk bùm blàng den bol a` kung bè ală mpồl lơh sa kă bro ndai sơllà bol a` ring bal sơl. Mơya geh kơlôi sơnơng mờ lùp tai gơ wèt mờ ală hìu ma\y gơ\p bơyô dê den tơnơ\ hơ\ bol a` geh lơh jat bal.

Ồng Phan Gia Thái, Giám đốc Công ty TNHH [òk bùm blàng Kon Tum geh hìu ma\y tàm xã Sa Bình, kơnhoàl Sa Thầy, bơta pràn lơh 100 tấn [òk bùm tàm dùl ngai, ngui uă ngan rlau jơh là 2 rơbô khối dà tàm dùl ngai mang kung geh bal nùs nhơm sơl.

Bè đah mpồl lơh sa kă bro tơnơ\ tu\ kơlôi sơnơng nền neh là jơnau sồr bơh Dà lơgar dê den Công ty kung pal lơh jat sơl.

 Jơnau yal bơh Kes priă sền gàr mờ bơtàu tơnguh brê càr Kon Tum pà go\, tus tu\ do Kes priă neh ki\ hơ sră pơr gon jàu kơnòl ala tă tơm priă sền gàr brê mờ 13 tàm 8 anih lơh sa mờ ma\y mok geh ngui dà drơng broă lơh sa pal tă tơm priă drơng broă sền gàr brê. Do là tềl tơngo\ chờ hờp ngan tàm broă rề ơnàng khà priă drơng broă lơh atbồ sền gàr brê mờ bơtàu tơnguh brê kơ\ kơl jap tàm càr dê.

Kờ` làng bol mờ gơ\p bơyô wă loh làng rơlao bơh kes priă sền gàr mờ tơnguh bơtàu brê càr Kon Tum tàm broă pờ ơnàng broă lơh geh priă, ai tơl priă ală mpồl cau tòm brê mờ tơnguh uă rài kis làng bol tus bal atbồ mờ sền gàr brê, ồng Hồ Thanh Hoàng, kuang atbồ kes priă sền gàr mờ tơnguh bơtàu brê càr Kon Tum, hơ jơnau lùp bơh cau ai tơng^t jơnau đơs do.

-Ơ ồng, ồng geh jơnau đơs lơi bè khà priă geh bơh broă sền gàr brê nam do?

Ồng Hồ Thanh Hoàng: Jăt rơndăp broă tă priă sền gàr brê nam 2019 geh UBND càr Kon Tum k^, kờp jơh rơndăp broă lơh tàm nam 2019 là di pơgăp 252 tơmàn 70 tơlăk priă. Jăt jơnau a` g^t, tàm nam 2019, trồ tiah ờ niam, di gơlan mìu ờ uă rơlao mờ nam 2018 den tàng geh yal lài kal ke tàm broă lơh gơs rơndăp broă geh UBND càr k^.

Kờp tus ngai 22 nhai 7 nam 2019, kes priă sền gàr mờ tơnguh bơtàu brê càr Kon Tum neh tă geh rơlao 118 tơmàn 500 tơlăk priă, geh 46,9% khà rơndăp broă.

-Tu\ do, ală hìu măi pờ tơl^k ồs đèng gam tă pơgồp bè lơi tàm khà priă sền gàr brê càr Kon Tum ơ ồng?

Ồng Hồ Thanh Hoàng: Tu\ do, càr geh 36 hìu măi pờ tơl^k ồs đèng, geh 24 hìu măi pờ tơl^k ồs đèng geh lơh tàm `hiòng dà dơlam càr mờ 12 hìu măi geh lơh bal mờ ală càr ndai, tàm nggùl bồ nam 2019 neh tă, tơm priă sền gàr brê kờp jơh là 118 tơmàn 44 tơlăk priă, geh 99,92% khà priă geh bơh broă sền gàr brê tàm kes priă sền gàr mờ tơnguh bơtàu brê càr Kon Tum dê.

Bè hơ\, gơtùi go\ ală hìu măi pờ tơl^k ồs đèng gam geh pơgồp bal mờr jơh tàm khà priă tă sền gàr brê bơh kes priă sền gàr mờ tơnguh bơtàu brê càr Kon Tum dê.

-Geh g^t, kes priă sền gàr mờ tơnguh bơtàu brê càr Kon Tum gam lơh ngan tàm broă pờ ơnàng tiah kờ` geh priă. Ồng gơtùi yal bè jơnau do?

Ồng Hồ Thanh Hoàng: Bơh bồ nam 2019, geh ai bơh kơrnoăt tàm Nghị định sồ 156 nam 2018 bơh Chính phủ dê bè bơto sồr lơh jăt ờ uă bơta tàm adăt Lâm nghiệp, kes priă sền gàr mờ tơnguh bơtàu brê càr Kon Tum neh rơcang dan mờ UBND càr Kon Tum: lài ngan là ai geh kơrnoăt lơh jăt broă tă priă sền gàr brê tàm càr Kon Tum.

Dơ\ 2 là k^ khà măt ală hìu lơh sa mờ măi mo\k geh ngui dà bơh dà drơng tàm broă lơh sa mờ măi mo\k pal tơm priă sền gàr brê.

Tàm tơngu me hơ\, kes priă do lơh ngan lơh broă mờ ală hìu lơh sa mờ măi mo\k geh ngui dà bơh dà drơng lơh sa mờ măi mo\k kờ` cri bơyai, k^ lơh broă bal tàm broă tă, tơm priă sền gàr brê.

Kờp tus tu\ do, kes priă sền gàr mờ tơnguh bơtàu brê càr neh lơh broă bal tàm broă tă mờ tơm priă sền gàr brê mờ 13 tàm 18 hìu lơh sa mờ măi mo\k geh ngui dà bơh dà drơng broă lơh sa mờ măi mo\k pal tơm priă sền gàr brê.

Tơngai tus, kes priă sền gàr mờ tơnguh bơtàu brê càr Kon Tum geh pơn jăt tai lơh broă, cri bơyai mờ 5 hìu lơh sa gam tai kờ` k^ lơh broă bal tàm broă tă, tơm priă sền gàr brê di mờ kơrnoăt neh geh ai.

-Tàm broă lơh jăt broă do, den ke spriă sền gàr mờ tơnguh bơtàu brê càr Kon Tum gơtìp ală kal ke lơi, ơ ồng?

Ồng Hồ Thanh Hoàng: Bơdìh mờ bơta [uơn, cồng nha neh lơh geh, broă lơh jăt broă tă, tơm priă sền gàr brê tàm càr Kon Tum gam geh ờ uă kal ke bè: broă ờ bài tă, ơm ing tă; ờ yal, tơm priă gam lơyài ha là tơm ờ tơl pơn drờm mờ kơrnoăt tu\ do bơh ờ uă anih lơh broă ngui broă sền gàr brê, mìng là ală hìu măi pờ tơl^k ồs đèng dềt (ờ gơwèt Tập đoàn Điện lực Việt Nam).

Gơwèt mờ ờ uă hìu lơh sa mờ măi mo\k geh ngui dà pal tơm priă sền gàr brê den gam đơs là tài ờ ru lơh broă, ha là pal dan mờ gơnoar atbồ geh gơnoar sền wơl broă tơm priă sền gàr brê den tàng gam pal ơm ing, ờ hềt geh lơh broă bal.

-Bè hơ\, kes priă sền gàr mờ tơnguh bơtàu brê càr Kon Tum geh broă lơh lơi kờ` pơn jăt tai tơnguh broă geh priă kờ` drơng niam rơlao kơnòl sền gàr, tơnguh bơtàu brê kơl jăp, ơ ồng?

Ồng Hồ Thanh Hoàng: Lài ngan là bol a` geh sền wơl sùm dồs priă tă, priă tơm sền gàr brê; bơyai lơh ai ală mpồl kuang bàng lơh broă, tus lơh broă tơn mờ ală anih lơh broă gam dồs mờ sồr ală công ty pờ tơl^k ồs đèng geh anih lơh broă tàm dơlam càr tơm priă sền gàr brê mờ dan kes priă sền gàr mờ tơnguh bơtàu brê Việt Nam tam pà priă sền gàr brê bơh ală hìu măi pờ tơl^k ồs đèng geh anih lơh broă tàm ală càr bal di mờ tơngai geh ai.

Dơ\ 2 là pơn jăt tai sền gròi, sền wơl ală anih lơh broă ngui broă sền gàr brê pa lơh broă kờ` cri bơyai, lơh broă bal;

Dơ\ 3 là pơn jăt tai cri bơyai, k^ lơh broă bal tàm broă tă, tơm priă sền gàr brê mờ ală hìu lơh sa mờ măi mo\k geh ngui dà bơh dà do.

Dơ\ 4 là pơn jăt tai lam sồr, bơto sồr ală anih lơh broă ngui broă sền gàr brê tàm càr lơh jăt nền nòn, lơh tơl kơnòl să tòm tàm broă lơh jăt broă lơh kờ` tơnguh tai priă geh bơh priă tă, tơm broă sền gàr brê.

Dơ\ 5 là geh sền gròi sùm, tơrgùm khà geh, dan mờ gơnoar atbồ geh gơnoar bơsong di jăt mờ kơrnoăt tà adăt boh lam tàm bơta geh anih lơh broă ngui broă sền gàr brê ờ lơh jăt broă yal, tă priă tơm priă sền gàr brê di mờ kơrnoăt neh geh ai.

Ơi, dan ưn ngài ồng!

Cau mblàng K’ Hạnh mờ Ndong Brawl