VOV4.K’ho- Tàm ală bă brê bàr đah tiah nhàr lơgar tàm càr Kon Tum mờ lơgar gơ\p bơyô Lào gam là kàl plai ươi dum. Neh geh jơnau geh ngan làng bol ndơ\p mpồn lòt rê pik plai do lơh tìs kơrnoat boh lam mơkung lơh gơlik bơta kal ke ai broă lơh rcăng sơndră kòp Covid-19 bơh tiah do dê in tai.

Priă blơi plai do bơh cau kon [uôn dê tàm ală kơnhoàl: Sa Thầy, Ngọc Hồi gơ wèt mờ plai ươi lir pơgăp bơh 30 rbô tus 40 rbô đong dùl ki\; gơ wèt mờ plai ươi dum gơrung is blơi bơh 120 rbô đong tus 130 rbô đong dùl ki\.

Tiah kơryan rcăng sơndră kòp Covid-19 bơh mpồl ling sền gàr tiah nhàr lơgar càr Kon Tum dê

Pa do ngan rlau jơh là tàm ngai 18/4, mpồl ling sền gàr Tiah nhàr lơgar càr Kon Tum tàm ală tu\ lòt sền, sền swì tàm tiah jrong nhàr lơgar 782 gơ wèt ù tiah xã Đăk Xú, kơnhoàl Ngọc Hồi neh di tu\ sền go\ 8 nă cau mu\t tàm lơgar tìs mờ kơrnoat boh lam jăt gùng dềt bơh Lào rê.

Gơ wèt mờ ală cau do, mpồl ling sền gàr tiah nhàr lơgar càr Kon Tum neh pơgồp bal mờ gơnoar ătbồ tiah do bơyai lơh mblàng yal, bơto bơtê mờ jàu [òn lơgar in kham sơm kòp lơh jăt jơnau sồr ơm yah tam cah is jăt di jơnau sồr.

Cau mblàng Lơ Mu K’Yến