VOV4.K’ho- Kơnờm lơh ngan pơđơl pràn tàm broă lơh broă sa, lơh ngan jơh nùs sơrlèt gan kal ke, pa do, dơ\ sơnrờp tàm càr Kon Tum geh 5 hìu bơnhă làng bol, tàm hơ\ geh 4 hìu bơnhă làng bol kòn cau tàm xã Đăk Tờ Re, kơnhoàl Kon Braih neh cih is sră dan mờ gơnaor ătbồ xã sền swì ai klàs bơh hìu bơnhă r[ah. Do ờ go\ di mìng là broă lơh geh kuơ màng ngan bơh ală hiù bơnhă làng bol dê mờ gam lơh gơlik geh nhơm kis pa ai broă lơh tơn jơh jơgloh tơrmù r[ah tàm tiah do dê.

Ùr bơklau bi A Nuôi mờ Y Byenh, ơm tàm [òn Kon Tơ Neh là dùl tàm 5 hìu bơnhă làng bol tàm xã Đăk Tờ Re, kơnhoàl Kon Braih, càr Kon Tum dê cih sră is dan mờ gơnoar ătbồ xã sền swì ai lik klàs bơh hìu bơnhă r[ah.

Tàm dùl nơm hìu dềt rơndăp tăp sèng ngan mờ sàng goh ngan, bi Y Byenh nam do 38 sơnam yal, jơnau lơh ùr bơklau bi gơtìp gơmu\t tàm rài kis kal ke r[ah lơ ời ngan là tài bơh deh tus 4 nă kòn. Bơh nam 2016 tus tu\ do, ală kòn neh dờng den tàng ờ huan đau bòl glar ir, bal mờ bơta tơryăng tơryồng lơh sa den tàng rài kis hìu bơnhă rơhời geh tơl ngui tơl sa đau. Mờ tu\ do bal mờ rlau 2 lồ bùm blàng, rlau 200 tờm kau su bal mờ chi bời lời hơ\ sồng ròng tai kơnrồ, sur, iar ada den tàng priă lơh geh bơh hìu bơnhă bi dê kung geh đau bàr pe jơ\t tơlak đong pah nam.

Đơs bè jơnau lơh ùr bơklau bi lơh nền cih sră dan mờ gơnoar ătbồ xã sền swì ai lik klàs bơh hìu bơnhă r[ah, bi Y Byenh pà gi\t, pơgăp mờ do bàr pe nam, bi geh làng bol pin dờn pồ lơh cau ătbồ thôn, mờ neh là cau ătbồ thôn den pal lơh krơh tàm jơh ală broă. Bal mờ hìu bơnhă tu\ do kung neh ờ huan đau kal ke tai den tàng kờ` lời wơl bơta sền gròi, dong kờl bơh Dà lơgar dê ai ală hìu bơnhă kal ke rlau mờ he in.

Bi Y Byenh đơs: Broă cih sră dan lik mờ sră cih mat hìu bơnhă r[ah là broă nàng he tơngo\ bơta lơh ngan jơh nùs lơh broă lơh sa, lơh ngan pơđơl pràn is. He ờ gơtùi kơldìng sùm tàm bơta dong kờl bơh Dà lơgar dê ờ, mờ pal să tờm lơh is lơh broă lơh sa, sơrlèt gan tàm rài kis, kơlôi rcăng drơng gàr ròng siam oh kòn. Dilah he mờ kơ\p kơldìng sùm tàm bơta dong kờl bơh dà lơgar dê lời ai hìu bơnhă r[ah in den rài kis ờ gơtùi bơtàu tơnguh ờ. Kuơmàng là gơ wèt mờ ală hìu bơnhă pa bau, gam kơnòm să, să jan gam pràn kơldang den sơlơ pal lơh ngan pơđơl pràn rlau tai tàm rài kis lơh broă lơh sa, ròng siam phan…He lơh broă sa mờ mìng kơnờm tàm sươn mìr lơm den ờ go\ lơh geh kàr lơi ờ, pal ròng bal phan ròng nàng bơtàu tơnguh rài kis. Mờ a` kơ\p kờ` làng bol he lơh ngan lơh broă lơh sa nàng khà hìu bơnhă klàs bơh r[ah ngai sơlơ uă rlau tàm xã Đăk Tờ Re do.

Bi Y Byenh neh lơh ngan tàm broă lơh broă sa nàng klàs bơh r[ah

Tàm 5 hìu bơnhă làng bol cih sră dan is mờ gơnoar ătbồ xã Đăk Tờ Re, kơnhoàl Kon Braih sền swì ai klàs bơh hìu bơnhă r[ah geh tus 4 hìu bơnhă là làng bol kòn cau ơm kis bơh yau dùl bă tiah. Hơ\ là ală hìu bơnhă: Y Byenh, A Cách kòn cau Bahnar ơm tàm [òn Kon Tơ Neh; hìu bơnhă bi A Thang, A Lanh kòn cau Sơdàng Sơdră ơm tàm [òn Kon Rơ Lang.

Bơta do kung gơlơh krơi ngan tai là tàm 5 hìu bơnhă làng bol do geh 2 nă cau ătbồ thôn cih sră dan is mờ gơnoar ătbồ xã sền swì ai klàs bơh hìu bơnhă r[ah là bi Y Byenh mờ bi A Thang. Ồng A Đi Phó Bí thư Thường trực Đảng ủy xã Đăl Tờ Re pà gi\t, bơta chờ hờp ngan rlau jơh là go\ geh cồng nha bơh broă rềp mềl mờ làng bol, gi\t wă\ hìu bơnhă làng bol pơndờm pơnđiang bè nùs nhơm, pơlam làng bol in gùng dà lơh sa, geh nùs nhơm gi\t wa\ is lơh ngan pơđơl pràn is klàs bơh r[ah mờ ală gah sơnah lơh broă bal mờ mpồl cau bơh xã dê neh kơ\ dơn nùs nhơm lơh sùm tàm uă nam do ai làng bol in.

Ồng A Đi, Phó Bí thư Thường trực Đảng ủy xã Đăk Tờ Re, đơs bè do:  Tu\ xã dờp geh pang sră bơh làng bol dê den là xã chờ hờp ngan tài bơh làng bol neh gi\t wa\ geh tàm broă lơh ngan pơđơl pràn is nàng klàs bơh r[ah. Tơnơ\ mờ tu\ dờp geh pang sră do den xã kung ai sơl kung bàng mờng chài tàm gah broă do tus tơn tàm hìu làng bol dê nàng lùp sền, sền swì wơl rài kis bơh ală hìu bơnhă mờ geh is bơta gi\t wă niam bè hơ\. Tơnơ\ mờ tu\ lòt sền den sền bal ală hìu bơnhă làng bol do kung geh rài kis tơl ngui tơl sa đau.

Bi A Thang ơm tềng đăp hìu pa lơh bơh hìu bơnhă dê

Broă tàm xã Đăk Tờ Re geh tus 5 hìu bơnhă làng bol, tàm hơ\ geh 4 hìu bơnhă làng bol kòn cau cih sră dan is mờ gơnoar ătbồ sền swì ai klàs bơh hìu bơnhă r[ah là bơta chờ hờp bơh gơnoar ătbồ mờ làng bol dê ngan là gơ wèt mờ ală cau să tờm tơn lơh broă tơrmù r[ah. Ồng Võ Duy Ngọc, Kuang ătbồ Phòng Lao động, Thương binh mờ Xã hội kơnhoàl Kon Braih, pà gi\t:A` sền do là dùl bơta pa tam gơl geh bơta gi\t wa\ bơh làng bol dê ờ gam bơta kơ\p kơldìng wơl tàm ală priă jền bơh Dà lơgar bơcri ai hìu bơnhă r[ah in. Mờ kuơmàng tàm do là a` sền go\ là nùs nhơm tam klac bal tàm làng bol dong kờl bal tơn jơh jơgloh tơrmù r[ah. Ală broă, rơndăp broă lơh kuơmàng là Broă lơh jơnau kờ` dà lơgar tơrmù r[ah kơ\ kơl jăp neh geh lơh tơn tus tàm jơh ală hìu bơnhă r[ah mờ cau r[ah geh dờp bơta dong kờl là niam ngan mờ geh cồng nha ngan.                 

 Đăk Tờ Re là xã kal ke uă ngan bơh kơnhoàl Kon Braih, càr Kon Tum. Jơh gùt xã geh 1.300 hìu bơnhă làng bol bal mờ 6.500 nă cau mờ geh tus 79% khà kờp làng bol tàm cau kòn cau. Ală nam lài do, khà hìu r[ah bơh xã dê geh tus rlau 50%.

Jăt Đảng ủy mờ UBND xã Đăk Tờ Re yal, kơnòm lam lơh jăt geh cồng nha Broă lơh jơnau kờ` dà lơgar tơrmù r[ah kơ\ kơl jăp bơh Chính phủ kung bè ală broă lơh, rơndăp broă lơh dong kờl hìu bơnhă r[ah bơh xã dê den tàng khà hìu bơnhă r[ah bơh xã dê gam tàm gùng dà gơmù pràn ngan. Mìng is tàm nam 2019 do, xã gơmù geh rlau 9% hìu bơnhă jơnhoa rlau uă pơndrờm mờ jơnau kờ` tơrmù r[ah bal bơh càr Kon Tum dê.            

Broă dơ\ sơnrờp tàm xã Đăk Tờ Re đơs is mờ càr Kon Tum đơs bal geh 5 hìu bơnhă làng bol cih sră dan is mờ gơnoar ătbồ xã sền swì ai lik bơh hìu bơnhă r[ah là broă lơh kờ` pal cih dờp mờ jờng rơ uă.

          Cau cih Khoa Điềm- Cau mblàng Lơ Mu K’Yến