VOV4.K’ho- Tơnơ\ ală jơnau yal bè brê rcăng gàr bồ tô dà tàm xã Sró, kơnhoàl Kông Chro, càr Gia Lai dê gơtìp mus kơl sùm mờ broă lòt sền den gơ ai wơl cồng nha lơyah rlau mờ bơta geh ngan, Ủy ban Nhân dân kơnhoàl Kông Chro neh rề ơnàng bă brê lòt sền, sền go\ khà hoàc hươr uă rlau tus 4 dơ\ pơndrờm mờ lài hơ\.

Uă ngan dơm chi gơtìp òt tàm brê rcăng gàr bồ tô dà Sró neh geh lòt sền, lơh tềl, mơya ờ go\ đơs tàm jơnau yal

Khà brê gơtìp hoàc hươr pa geh Ủy ban Nhân dân kơnhoàl sền go\ tai là mờr 50 khối dơm chi mờ mờr 7 khối ntê- cồng chi, tàm 4 bă brê bơh tiểu khu 805 dê, brê rcăng gàr bồ tô dà, bă brê bơh Ủy ban Nhân dân xã Sró ătbồ.

Tơngai brê gơtìp mus kơl geh gi\t là bơh nam 2018 tus nam 2020. Bal mờ ală hoàc hươr pa geh sền go\, khà brê gơtìp mus kơl tàm tiểu khu do neh gơguh tus mờr 76 khối. Tàm jơnau yal tơn jơh nam 2019 bơh UBND xã Sró dê, tàm tơngume bè broă lơh brê bơnơm, ờ go\ đơs tus khà hoàc hươr do. Xã mìng sền go\ 7 dơ\ mpồn dơm chi, bal mờ mờr 16 khối, ndrờm gơ ơm tàm bơta ờ gi\t dơm chi bơh cau lơi dê.

Cau mblàng Lơ Mu K’Yến