VOV4.K’ho – Nàng tơnguh pràn jak atbồ mờ pơlam ai ngui gùng che pờ tơlik ồs đèng, Kong ti ồs đèng Dak Lak gam lam lơh broă ngui ua\ công nghệ pa tàm broă atbồ mờ pơlam ai ngui gùng che pờ tơlik ồs đèng. Do kung geh đơs là broă lơh cèng wơl cồng nha tàm broă gàr niam ờ do ờ dă gùng che đèng tàm tơl bơta trồ tiah..

Bơh nhai 12 nam 2016, Kong ti ồs đèng Dak Lak neh sơn đờm lơh broă Tiah tờm pơlam ală trạm biến áp ờ geh cau ơm nggui lơh broă tềng hơ\. Tus tu\ do, 9 tàm 10 trạm biến áp neh ngui broă lơh pơlam bơh ngài bơh ma\i tính. Bơh tiah tờm pơlam, ală cau lơh broă sền go\ bơta ờ niam mờ ờ duh pal tus tềng tiah gơlik geh bơta ờ niam, sền gròi ală phan bơna ngui đèng, kơ nờm bơh hơ\, trạm biến áp lơh broă ờ do ờ dă rlau, tơmù rềs àr bè đèng; tơmù bơta pal sồr cau lơh broă tus, phan bơna tu\ ngui gùng che đèng, pơ gồp bơnah tàm broă ngui geh cồng nha bơta tă pơ gồp bơh mpồl bơtìan dê.

Là cau lơh broă tơn tàm tiah tờm pơlam, ồng Lê Viết Khánh, cau lơh broă phòng Điều độ, kong ti ồs đèng Dak Lak pà git: cau lơh broă pơlam pờ tơlik ồs đèng ờ duh pal cih wơl, halà prap gàr jat broă lơh ờs mờng bè lài do ală khà kờp, jơnau yal tai, tơmù tu\ jơ pờ thông số pờ mơ tàm ma\i tính, gàr niam bơta song dơpă, khoa học tu\ mblàng lơh loh ală khà kờp ai geh, bơh hơ\, dong kờl di tu\ broă lơh điều độ gùng che đèng: “Broă ai Tiah tờm pơlam càr Dak Lak nàng ngui den broă sền gròi mờ broă lơh [ươn ua\ rlau mờ là tiah tờm pơlam den gơtùi lơh tờn tàm jơh ală trạm biện áp 110kV tàm càr, tam cah is phan bơna bơdìh mờ gùng che đèng nàng crap pơlam bơh ngài den tiah tờm pờ halà gơ sơt tơn, broă do gơtùi tơmù khà cau lơh broă tàm ală trạm biến áp 110Kv”.

Bal mờ broă ai ală trạm biến áp ờ geh cau nggui sền tềng hơ\ sơn đờm lơh broă ngan ngồn, dùl ròt công nghệ pa neh geh kong ti ồs đèng Dak Lak ai ngui bè: ngui công nghệ git go\ gờ` jơnau digơlan gơlik geh bơta ờ niam, ngui công nghệ lơh niam wơl đèng gơtìp duh nàng lơh niam wơl ală gùng che đèng, trạm biến áp ờ duh pal gơ sơt đèng, ngui tiah tờm pơlam nàng tơnguh cồng nha lơh broă bơh gah ồs đèng dê… Bơh hơ\, gàr niam ờ do ờ dă tàm broă lơh pờ tơlik ồs đèng mờ cèng wơl cồng nha, tơnguh bơta niam ồs đèng ua\ ngan rlau jơh cau ngui đèng in. Ồng Nguyễn Văn Hảo, Kuang atbồ phòng Điều độ, Kong ti ồs đèng Dak Lak đơs nền: “Bơh nam 2016 tus tu\ do, ai công nghệ lơh niam wơl gơtìp duh tàm gùng che đèng 220kV nàng ngui, hơ\ là lài do, 2, 3 tơngume broă lơh tàm gùng che đèng pal gơ sơt đèng den hơ\ sồng cau lơh broă gơtùi guh hơ đang gùng che đèng nàng lơh niam, den tu\ do bol a` neh geh dùl mpồl lơh broă ờ duh pal gơ sơt đèng mờ kung gam gơtùi lơh broă tàm gùng che đèng sơl, bơta do dong tơmù tu\ jo roh đèng, tơnguh bơta niam pờ tơlik ồs đèng cau ngui đèng in”.

Jat ồng Tạ Minh, Phó Kuang atbồ Kỹ thuật, Kong ti ồs đèng Dak Lak yal, broă ngui công nghệ pa tàm broă atbồ mờ pờ tơlik đèng geh sền là broă lơh cèng wơl cồng nha tàm broă gàr niam ờ do ờ dă gùng che ồs đèng. Kong ti gam kơ lôi sơ nơng ngui pil mat tơngai nàng drơng broă pờ tơlik ồs đèng ngui is tàm ală trạm biến áp, kơ lôi sơ nơng ngui FLYCAM nàng sền gùng che đèng halà broă lơh niam wơl, lơh pa gùng che đèng gam ală gùng che 110kV, trung áp, hạ áp gam pờ ờ gơ sơt đèng… Mơkung bơ to bơtê cau jak chài bè lơh niam wơl ma\i biến áp, bè ma\i pơlam dipal…: “Gah ồs đèng đơs bal mờ kong ti ồs đèng đơs is tàm tơngai tus den bol a` kung gam pơn jat tai chồl pràn ală broă lơh ngui công nghệ cao tàm broă pờ tơlik ồs đèng nàng cèng wơl cồng nha niam ngan rlau jơh, pờ tơlik ồs đèng ua\ ngan rlau jơh, ngui ờ do ờ dă ngan rlau jơh, pin dờn ngan rlau jơh cau ngui đèng in”.

Broă kong ti ồs đèng Dak Lak ngui ală phan bơna, công nghệ pa tàm broă lơh atbồ, pờ tơlik, sền gàr gùng che đèng ờ mìng jat bơta bơtàu tơnguh bal bơh dơ\ kac màng 4.0 dê, mờ gam ngan ngồn pơ gồp bơnah kươmàng nàng gùng che ồs đèng geh pờ tơlik sùm, ờ do ờ dă, kơ\ kơljap ai ală broă lơh sa, chính trị, mpồl bơtìan, sền gàr lơngap lơngai, sền gàr dà lơgar tàm càr.

Cau mblàng K’Duẩn