VOV4.K’ho- Jăt Phòng Y tế kơnhoàl Cư Mgar, càr Dăk Lăk dê yal, bơh bồ sơnam tus tu\ do, bơta kòp bơtờp tàm kơnhoàl ngai sơlơ gơbàn kal ke. Ngan là kòp sốt xuất huyết gơguh uă ngan pơndrờm bal dùl tu\ mờ nam 2018. Kờp tus lồi nhai 9/2019, jơh gùt kơnhoàl geh rlau 1.700 nă cau bơtờp kòp sốt xuất huyết, tàm hơ\ geh 2 nă cau chơ\t.

Bal mờ hơ\, tàm nhai 9, kòp bạch hầu kung gơbàn sơl tàm [òn Hring, xã Ea H’đing, bal mờ 37 nă cau pin gơtìp kòp, tàm hơ\ neh geh 1 nă cau chơ\t mờ 2 nă cau bơtờp mờ kòp bạch hầu. Tềng đap bơta do, ală gah lơh broă geh gơnoar bơh kơnhoàl dê neh jơh nùs cang tiah bơsong tiah geh kòp ờ lời kòp lơh bơtờp tus uă tiah ndai; [ồm dà sơnơm, lơh kloh niam jơh ù tiah ơm kis.

Bal mờ hơ\, tơnguh tai broă lơh mblàng yal, bơto yal ală jơnau gi\t wa\ mờ broă lơh rcăng sơndră kòp bơtờp tàm ală thôn, [òn tàm kơnhoàl, lơh gùng che điện thoại is bơh ală xã nàng làng bol in rcăng yal bè kòp bơtơp, pleh nùs nhơm sền ờ sơ\p, ờ rcăng ngac.

Cau mblàng Lơ Mu K’Yến