VOV4.K’ho - Mờr dùl nhai do, mpồl kuang àng kơnhoàl Dak Mil, càr Dak Nông neh lam sồr làng bol jào geh 51 ngkơr phào lơh is ală bơta, 5 nơm phào crong geh lơh is, 1 nai gar phào dờng…

Tơngai tus, kuang àng kơnhoàl Dak Mil pơn jăt tai lơh ndrờm bal ală broă, pơgồp bal nền nòn mờ ală mpồl lơh broă geh gơnoar bơyai lơh lam sồr adăt boh lam, lam sồr gùt làng bol jào phào crong, phan bơrtoh, phan dong kờl mờ siao bơrtoh.

Kuơ màng là tàm ală tiah sar lơgar ngài, lơh ngan geh cau geh bơngă pin dờn lam sồr, mpồl kuang àng geh lam sồr làng bol k^ hơ bal ờ lơh, ờ prăp, ờ blơi, ờ ngui phào crong, phan bơrtoh mờ phan dong kờl pơgồp bal tàm broă sền gàr bơta lơngăp lơngai ờ do ờ dă tàm kơnhoàl.

Cau mblàng Ndong Brawl