VOV4.K’ho- Trồ tơngai duh jo\ jòng, tơnau dà soăt jơh dà, lơh uă cau lơh sươn tàm kơnhoàl Lạc Dương, càr Lâm Đồng `ă ntàu ờ suk ờ iang tài bơh biăp, bơkàu ro nhhòp jơh, ờ geh tơnhàu. Tàm tơnau dà Đăng Kia- Suối Vàng, kơnhoàl Lạc Dương, làng bol pal tờ tơrlung dà tàm dơlam tơnau dà nàng geh dà tuh bơkàu in.

Tơnau dơng dà sồ 7 soăt jơh dà

Jơnau bè do kung gam gơlik geh sơl tàm tơnau dơng dà sồ 7, thị trấn Lạc Dương. Kuang đơng lam bồ phòng Nông nghiệp mờ Phát triển Nông thôn kơnhoàl Lạc Dương pà git, tu\ do uă ngan ală dà dờng, dà croh, tơnau dà tàm kơnhoàl ndrờm soăt jơh dà. Mìng is thị trấn Lạc Dương, rlau 80 lồ biăp, bơkàu neh ờ gam geh tai dà nàng tuh. Broă lơh dùl lơm tu\ do là làng bol pal tuh dà tềm pềr, tam pà dà dong kờl bal mờ gơ\p sơrlèt gan kal ke.

Cau mblàng Lơ Mu K’Yến