VOV4.K’ho- Drim òr 5/9, bulah trồ tiah ờ [ươn, trồ mìu sùm mơya 713 hìu bơsram bơh càr Lâm Đồng dê kung gam dùl ròt sơl bơyai lơh Dơ\ sơnđờm mu\t nam bơsram pa 2019- 2020. Nam bơsram do, Lâm Đồng geh mờr 330 rbô nă kơnòm bơsram ală kấp bơsram bơh mầm non tus kấp pe, gơguh rlau 5.700 nă kơnòm bơsram pơndrờm mờ nam bơsram lài. Nàng lơh geh jơnau kờ` bơto mờ bơsram, gah bơto bơtê càr Lâm Đồng neh di tu\ blơi ală măy mok, phan bơna, lơh bơka niam wơl, lơh pa mờ ai ngui rlau 670 cơldu\ bơsram, bal mờ uă cơldu\ lơh broă geh gơnoar mờ broă lơh phan bơna, bal mờ kờp jơh priă tă lơh là pơgăp 840 tơlak. Bal mờ hơ\, broă tơnguh uă cồng nha mpồl kuang bàng atbồ, cau pơgru kung geh gah bơto bơtê càr do sền dờng màng sơl.

Kơnòm bơsram Hìu bơsram kòn cau càr Lâm Đồng tus bal bơyai lơh dơ\ sơnđờm mu\t nam bơsram pa

Tài gơ rềng bơh mìu nhàc, drim òr 5/9, tàm càr Kon Tum pơn jat tai geh mìu, kơnhòal tiah sar lơgar ngài Tu Mrông pal ơm ing broă bơyai lơh sơn đờm mut nam bơsram pa. Mơya tài geh bơta rơcang lài jơh nùs mờ wil tơl, rlau 150 rbô nă kơnòm bơsram tàm 384 hìu bơsram tàm càr neh geh dờp nùs nhơm chờ hờp bơh Ngai chờ gùt làng bol jun kơnòm dềt tus hìu bơsram. Nam bơsram pa 2019 – 2020, càr Kon Tum neh lơh pa 128 cơldu\ bơsram; lơh pa 44 broă lơh ai dà sàng kloh; blơi uă phan bơna drơng broă bơto bơtê mờ bơsram… Tàm dơ\ bơyai lơh sơn đờm mut nam bơsram pa tơn, git nđờ rhiang nă kơnòm bơsram tàm càr geh rài kis hìu bơnhă uă kal ke brồ guh tàm broă bơsram sră neh geh dờp uă khà jờng geh kuơ ngan, hơ\ là ală rơndeh coh, priă dong kờl bơsram mờ phan pà.

                  Pà rơndeh coh ai ală kơnòm bơsram in di dơ\ sơnđờm mu\t nam bơsram pa           

Bal mờ kơnòm bơsram tàm gùt lơgar, rlau 400 rbô nă kơnòm bơsram ală kấp bơsram tàm càr Gia Lai tus bal Dơ\ bơyai lơh sơnđờm mu\t nam bơsram pa 2019- 2020. Tàm nam bơsram pa nam do, jơh gùt càr geh rlau 400 rbô nă kơnòm bơsram ală kấp bơsram, gơguh rlau 6.500 nă kơnòm bơsram, tàm hơ\ geh 45,6% là kơnòm bơsram kòn cau. Nam do, jơh gùt càr gơmù 16 hìu bơsram pơndrờm mờ nam bơsram lài, bulah bè hơ\, Ủy ban Nhân dân càr Gia Lai neh bơtơl tai 973 biên chế pơgru mờ tă kes priă rlau 60 tơmàn ai broă lơh bơ\t niam wơl hìu bơsram, cơldu\ bơsram, blơi măy mok phan bơna drơng bơto bơtê nàng kờ` lơh geh cồng nha bơto mờ bơtê. Gah bơto bơtê Gia Lai neh hòi jà tă pơgồp geh 200 bơnah priă dong kờl bơsram mờ 160 nơm rơndeh coh pà kơnòm bơsram r[ah sơrlèt gan kal ke bơsram jak tàm jơh gùt càr in.

           Dăk Lăk pà sơgơn gàr bồ ai ală kơnòm bơsram in di dơ\ sơnđờm mu\t nam bơsram pa

Lơh jat broă rơndap lơh bơh Ủy ban ờ do ờ dă gùng lòt dà lơgar dê bè broă lơh pà sơgơn gàr bồ ai kơnòm dềt nam 2019 in mờ tơngume “Gàr tơl bơta kơp kờ`”, Ban ờ do ờ dă gùng lòt càr Dak Lak pơgồp bal mờ Sở Giáo dục mờ ĐàoT tạo càr, ala mat kong ti Honda VN tàm Dak Lak bơyai lơh pà sơgơn gàr bồ tơl khà ai ală kơnòm bơsram ơdu\ 1 tàm ală hìu bơsram tàm gùt càr in. Jat broă rơndap lơh, broă pà sơgơn gàr bồ ai kơnòm bơsram ơdu\ 1 in geh 1 ròt lam lơh tàm gùt càr Dak Lak tơnơ\ tu\ ală hìu bơsram tơn jơh dơ\ mut nam bơsram pa 2019 – 2020, mờ 42 rbô nơm sơgơn geh pà.

                   Ală cau ling Trung đoàn 720, Binh đoàn 16 mă ală oh tiă gan dà croh

Ngai òr 5/9, rlau 174 rbô nă kơnòm bơsram bơh càr Dăk Nông dê tus bal dơ\ bơyai lơh sơnđờm mu\t nam bơsram pa 2019- 2020. Tàm xã Dăk Ngo, tài bơh uă ngai do geh mìu, dà tàm dà croh tih jơnhoa lơh bàr pe nă kơnòm bơsram tàm [òn Si Át ờ gơtùi tus hờ hìu bơsram. Nàng dong ală kơnòm bơsram tus hờ hìu bơsram thàn tus bal dơ\ bơyai lơh sơnđờm mu\t nam bơsram pa, bàr pe nă kuang bàng cau ling bơh Trung đoàn 720, binh đoàn 16 neh di tu\ tus hờ hìu ală oh dềt dê nàng mă ală oh tiă gan dà croh mờ jun ală oh tus hờ hìu bơsram mờ rơndeh măy lài mờ tu\ jiơ bơyai lơh sơnđờm mu\t nam bơsram pa.

Cau mblàng Lơ Mu K’Yến mờ K’Duẩn