VOV4.K’ho – Ngai 25/2, tàm Hà Nội, Bộ trưởng Bộ Lao động, Thương binh mờ Xã hội, ồng Đào Ngọc Dung neh đơng lam dơ\ lơh broă mờ kuang atbồ 2, 3 mpồl lơh broă gơ wèt Bộ bè ală bơta gơlik geh mờ broă rơndap lơh sơndră mờ kòp Covid-19.

Bè broă lòt bơsram bè ờs wơl bơh kơnòm bơsram, cau bơsram dờng ală hìu bơsram bơto broă lơh dê, Bộ trưởng Bộ Lao động, Thương binh mờ Xã hội sồr: Jat tàm bơta gơlik geh tu\ do, Tổng cục Giáo dục nghề nghiệp pơlam ală hìu bơsram bơto broă lơh tàm gùt lơgar ai kơnòm bơsram, cau bơsram dờng lòt bơsram bè ờs wơl bơh ngai 02/3/2020; Sền gròi tus broă mblàng yal ală broă lơh rơcang sơndră kòp bơ tờp tàm ală hìu bơsram bơto broă lơh in nàng kơnòm bơsram, cau bơsram dờng iang nùs lòt bơsram wơl.

Ală hìu bơsram bơto broă lơh pal lơh jat nền nòn broă gàr kloh niam, [ồm sơnơm lơh kloh kòp, lơh kloh khuẩn hìu bơsram, ơdu\ bơsram; pơlam bơta chài rơcang sơndră kòp mờ lơh jat ală broă lơh sền gròi pràn kơldang să jan tus mờ cau pơgru, kơnòm bơsram, cau bơsram dờng jat jơnau pơlam bơh anih lơh broă mờng chài bè sơnơm dê.

Cau mblàng K’Duẩn