VOV4.K’ho- Hìu bơsram Đại học Dà Làc pà gi\t: Jơh ală anih lơh broă, ală công chức, viên chức mờ cau lơh broă hìu bơsram dê lơh jăt broă lơh bè ờs kờp bơh ngai 27/4 mờ jơh ală cau bơsram dờng, cau bơsram tơrgùm lòt bơsram wơl bơh ngai 4/5 tus.

Tàm ală tu\ bơyai lơh bơto bơtê, bơsram tơrgùm tàm hìu bơsram, cau pơgru mờ cau bơsram dờng pal lơh jăt niam ală jơnau bơto pơlam bè broă rcăng sơndră kòp Covid-19, pal pơn chèu glòm muh măt tu\ mu\t tàm hìu bơsram mờ tàm ală tu\ bơsram tàm ơdu\; ràu tê mờ dà ràu goh khuẩn geh ơn tàm ală cơldu\ bơsram; rơndăp cơldu\ bơsram dipal nàng gàr niam bơta ơm yah ngài jăt di jơnau sồr bơh Bộ Y tế dê, gàr niam bơta ơm yah ngài anih nggui đah ală cau bơsram dờng, cau bơsram dê rềp ngan rlau jơh là bơh 1 thơk mờ nggùl.

UBND càr Lâm Đồng kung neh ring bal gùng dà broă lơh ai kơnòm bơsram mầm non, kơnòm bơsram kấp pe, cau bơsram dờng, cau bơsram tàm ală anih bơto bơtê, hìu bơsram broă lơh tàm ù tiah càr dê lòt bơsram wơl bơh ngai 4/5/2020.

Cau mblàng Lơ Mu K’Yến