VOV4.K’ho- Tàm ală ngai do tàm càr Kon Tum, ală anih lơh broă, mpồl cau mờ mpồl lơh broă mpồl bơtiàn gam cèng Trung thu tus mờ kơnòm dềt tiah làng bol kòn cau. Kơnờm ală broă lơh geh tam pà bơta kờ` gơboh mờ jơh ală kơnòm dềt tàm tiah sar lơgar ngài, tiah làng bol kòn cau bơh càr dê ndrờm geh dờp nùs nhơm chờ hờp bơh ală mang chờ àng kơnhai ndar me.

Broă lơh ai Trung thu tus mờ kơnòm dềt tiah sar lơgar ngài, tiah làng bol kòn cau geh jơh ală anih lơh broă, ală tiah mờ ală mpồl lơh broă mpồl bơtiàn bơh càr Kon Tum dê lơh. Ală “Măng chờ àng kơnhai ndar me”, “Trung thu tam pà bơta kờ` gơboh”….geh lơh tàm ală tiah tàm càr ndrờm geh lơh niam mờ wil tơl ngan.

                               Trung thu tus mờ ală oh dềt tàm xã Ngọk Bay

Mang òr (12/9), tàm kơnhoàl Mdrăk, Sở Lao động Thương binh mờ Xã hội càr Dak Lăk pơgồp bal mờ Tỉnh đoàn mờ UBND kơnhoàl Mdrăk bơyai lơh chờ satềp Trung thu “mang chờ àng kơnhai ndar me nam 2019” ai 1 rơbô nă kòn dềt tàm kơnhoàl do in.

Ală kơnòm dềt geh tus bal dơ\ lơh chờ đèng gu\, sền tamya đang grài mờ uă bơta đơs crih tamya chờ hờp. Mpồl bơyai lơh neh jào 1 rơbô pò phan, 30 khà priă bơsram ai kơnòm dềt sơlèt mờ kal ke bơsram jăk; pà 30 nơm rơndeh coh, tơl nơm rơndeh coh geh 1 tơlăk 500 rơbô priă ai kơnòm dềt geh rài kis kal ke, hìu ơm ngài mờ hìu bơsram.

Hìu sơnơm mắt Tây Nguyên pà 50 pò phan kờp jơh geh 10 tơlăk priă mờ kơnhoàl Mdrăk là 100 pò phan geh 30 tơlăk priă ai kơnòm dềt geh rài kis kal ke tàm kơnhoàl do in.

                    Ală oh geh sền dơ\ lơh đơs crih tam ya tàm mang chờ àng kơnhai ndar me

Mang òr 12/9, Sở Lao động, Thương binh mờ Xã hội càr Gia Lai pơgồp bal mờ UBND [òn dờng Pleiku, Sở Giáo dục mờ Đào tạo, Tỉnh đoàn bơyai lơh broă lơh “Nhơl chờ hờp mang àng kơnhai ndar me” ai pơgăp 400 nă kơnòm dềt geh rài kis kal ke, kơnòm kòn đời, kơnòm kue\t kơlte, kơnòm dềt là kòn hìu bơnhă chính sách pơnrơ tàm ù tiah càr dê. Tàm do, ală oh geh iat sền sră pơyua nting săp sa tềp Trung thu bơh Chủ tịch lơgar dê; sền dơ\ lơh đơs crih tam ya, tam ya đang grài niam ngan; nhơl jơnau nhơl ờs mờng bơh yau, lòng jơnau chờ hờp, dờp phan pà Trung thu…Bơdìh hơ\ tai, tàm dơ\ lơh broă do, 30 nă oh dềt geh rài kis kal ke ir gam geh priă dong kờl bơsram, kờp priă 1 tơlak dùl nă oh.

Di tàm dơ\ do, tàm càr Dak Nông kung geh bơyai lơh uă broă lơh chờ satềp Trung thu geh kuơ. Gùt kơnhoàl Dak Rlấp geh 61 anih lơh broă, hìu bơsram lơh oh mi mờ 12 [òn mờ 1 mpồl làng bol kòn cau tàm kơnhoàl do.

Bơyai lơh tam ya đang grài ai ală oh dềt in sền tàm [òn Bu Dak, xã Quảng Tín, kơnhoàl Dăk R’lấp, càr Dăk Nông 

Ală mpồl lơh oh mi ndrờm geh ală broă pà phan, bơyai lơh ală broă nhơl chờ ai ală kơnòm dềt in. Mpồl Tâm Đức kơnhoàl Dăk Rlấp pà 400 pò phan Trung thu ai kơnòm dềt in tàm [òn Bu Dách, xã Quảng Tín. Gam tai xã Nâm Nung, kơnhoàl Krông Nô, Tỉnh đoàn Dak Nông bơyai lơh broă “Chờ àng kơnhai ndar me, pơgồp bal bơta gơboh”. Ală kơnòm dềt geh pà 600 pò phan Trung thu; 500 pang sra cih; pà 300 yô kho\ Biti’s ai 300 nă kòn dềt tàm do in.

Cau mblàng Lơ Mu K’Yến mờ Ndong Brawl