Uă rùp să niam hèr, jơnau yal rngoh rngac ngan bè kuang bàng, cau ling Wa Hồ dê jơh nùs ngan tài làng bol, lơh broă tàm tu\ kòp bơtờp uă ngan neh geh tàm yal tơng^t bal mờ gơ rề uă tàm mpồl bơtìan. Ală cau ling sền gàr tiah nhàr lơgar, bác sĩ Ling klàng gơ gơs là cau ling lam lài, rcang lài pal kong mờ ală bơta aniai mờ jơh bal bơta digơlan bơtờp kòp uă ngan bơh kòp dê, nàng sền gròi pràn kơl dang să ja` ai làng bol in bè ală cau rềp mềr tàm hìu bơnhă he dê.

Neh rlau 20 ngai do, Thượng tá Lê Xuân Tuyến, Chính trị viên Tiểu đoàn 2, Hìu bơsram ling klàng (quân đoàn 1) lơh pôs đồng tàm Ninh Bình ờ hềt rê mờ hìu bơnhă sơl. Broă lơh bi mờ mpồl ling dê là pơn diang phan, wă rò, rơn dap tap sèng tiah sa ơnih bic ai làng bol bơh tiah kòp in rê ơm. Guh b^c gờ` bơh 5 jiơ àng drim nàng rcang phan sa ai mờr 700 nă cau tam cah is in, lòt wă rò làng bol rê bơh khat dùl tiah lơi ờ kờp mang halà ngai, rcang ală phan nàng lòt sền, kham pràn kơl dang să jan, xét nghiệm, tam cah jat jơnau sồr. Ală broă lơh geh jàu ndrờm pa lơm krơi is ngan mờ ală kơnòl broă lài do dê, ờ mìng bòl glar kal ke lơm gời mờ gam pal kong mờ bơta digơlan bơtờp kòp uă. Mơya tơl nă cau dùl nơm broă, ală kuang bàng, cau ling drờm lơh jat niam jơnau sồr, jơh nùs, niam hèr, triang tryồng tàm broă drơng làng bol in. Ai bơta chờ hờp làng bol dê lơh bơta chờ hờp he dê.

Thượng tá Lê Xuân Tuyến  đơs:

  Bơta sền niam ngan bơh a` dê gơ wèt mờ làng bol lài mờ tu\ làng bol jơh tơngai tam cah is rê wơl tàm hìu, hơ\ là ală jơnau ưn ngài jơh nùs ngan bơh làng bol dê gơ wèt mờ kuang bàng, cau ling tàm tu\ drơng broă mờ bol a` sền go\ do là bơta chờ hờp chờ hờ`, pơnjờ să ngan mờ cih dờp nùs nhơm làng bol dê gơ wèt mờ ling klàng đơs bal kung bè gơ wèt mờ kuang bàng, cau ling bol a` dê đơs is.

Nùs nhơm tam dră kòp bè tam lơh mờ bol sò tơm iơh bơsak mờ bơta lơh ngềt ngơ\t drơng broă bơh ală kuang bàng, cau ling dê tàm g^t nđờ rơhiang anih tam cah is, tơl ntờc dà kơl hề bơh ală bi dê drơng broă làng bol in ndrờm geh làng bol cih dờp. Rlau 36 rơbô 700 nă cau tam cah is tàm ală anih tàm cah is tơrgùm bal bơh ling klàng dê là mờ nùs nhơm kờ` gơ boh, ưn ngài gơ wèt mờ ală kuang bàng, cau ling Wa Hồ dê. Tu\ do, gùt ling klàng geh tus 110 anih tam cah is tơrgùm bal gam pơn jat tai tam cah is mờ kham kòp ai rlau 18 rơbô nă làng bol. Anih tam cah is lơi kung kloh niam, sàng goh, nùs nhơm cau ling dê sùm sơrmah sơrmài, jơh nùs, di pal, tơl dơ\ sa geh piang duh ram mhu\ nùs nhơm kờ` gơboh bal kòn bơnus dê…

Geh làng bol ờ kờ` lơh jat, mơya tu\ g^t loh kơnòl broă ling klàng dê là nàng sền gàr pràn kơl dang să jan ai să tờm khi in, hìu bơnhă khi dê mờ sền go\ broă lơh ală bi dê lơh, jơh nùs tài bơh drơng broă, làng bol ndrờm sền dờng màng nùs nhơm bơh ală bi dê, mờ ling klàng mờ làng bol ndrờm dùl nùs bal rcang sơn dră kòp Covid-19. Làng bol gam tam cah is tàm tiah tam cah is tơrgùm bal bơh tàm Quân khu 7 dê pà g^t:

 Ală cau ling, ală bác sỹ, y sỹ, dong kờl a`, tui phan a` in guh tàm cơl du\ mờ dong kờl bol a` geh tiah ơm rlô kloh niam, sàng goh, geh ală phan sa piang bơkah ngan mờ geh tu\ gam geh tam gơl ală phan sa di pal mờ bơta kờ` he dê sơl. Nùs nhơm mờ a` go\ là màng rlau mờ biàng.

Ờ mìng tàm g^t nđờ rơhiang anih tam cah is tơrgùm bal tàm ală hìu bơsram, ală mpồl lơh broă, quân đoàn, quân khu mờ tàm ală gơl gùng tiah nhàr lơgar, mpồl ling sền gàr tiah nhàr lơgar lơh g^t nđờ rơbô anih kơryan kòp, sền gròi tàm ală mpồng nhàr lơgar, gùng dềt, gùng dờng nàng kơryan bơta digơlan bơtờp kòp. Gơl gùng tiah nhàr lơgar Việt Nam mờ Lo neh ai 535 mpồl; gơl gùng nhàr lơgar Việt Nam -Campuchia ai 352 mpồl mờ gơl gùng nhàr lơgar Việt Nam mờ Lào geh 271 mpồl.

Trung tướng Phùng Sỹ Tấn, Phó tổng tham mưu trưởng, Ling klàng làng bol Việt Nam dê pà g^t, tàm tu\ tơngai dơ\ 2 rcang sơn dră kòp, Ling klàng geh tơnguh ală anih tam cah is gơguh tus 140 anih mờ pơgap 45 rơbô nă cau in ơm cah is.

 Ling klàng neh ddofm jat broă đơng lam, sồr lam jat broă tàm rài tam lơh tu\ lơh jat broă rcang sơn dră kòp Covid-19. Tơnơ\ tu\ tơngai dơ\ 1, bol he di tu\ ai jơnau g^t wă, den tu\ mut tàm tu\ tơngai dơ\ 2, bol he lơh jat broă do loh làng rlau tai, cồng nha rlau tai.

Bộ Tư lệnh ală quân khu, quân đoàn, bộ Tư lệnh Mpồl ling sền gàr tiah nhàr lơgar  mờ ală binh chủng neh lơh nền niam ngan jơnau sồr bơh Kuang atbồ Bộ Quốc phòng, Bộ Tổng tham mưu dê lơh jat broă tàm pà bal, broă tam pà do neh geh Thủ tướng đơs pơn du\t  là broă rcang lài ală anih tam cah is, lơh jat broă tam cah is tơrgùm bal bơh Tư lệnh ală Quân khu dê đơng lam nàng pơgồp bal mờ ală tiah.

Ală ngai do, g^t nđờ rơbô nă kuang bàng, cau ling, mpồl ling klàng ai anih ơm he dê mờ tryang tryồng drơng broă làng bol tàm ală tiah tam cah is tơrgùm bal. Tàm tiah nhàr lơgar, g^t nđờ rơbô nă kuang bàng, cau ling gam ơm tàm brê, b^c tàm bơnơm tàm trồ tơngai ờ niam, jơh nùs ơm sền gàr anih tam cah is, ơm gak nàng sền  gàr ờ ai cau bơh tàm tiah kòp mu\t ơm kis tìs mờ kơrnoat boh lam, pơgồp bơnah kơryan bơta bơtờp kòp uă bơh kòp Covid -19 dê bơh mpồng nhàr lơgar.

Mờ nùs nhơm “rcang sơn dră kòp bè sơn dră mờ bol sò tơm”, kuang bàng, cau ling ngan ngồn sền do là kơnòl broă rcang lài tam lơh, kơnòl broă tam lơh dờng màng, kuơ màng. Thủ tướng Chính phủ Nguyễn Xuân Phúc neh đơs ngan tàm dơ\ lòt sền broă rcang sơn dră kòp Covid-19 bơh mpồl ling klàng dê: Mpồl ling klàng là mpồl ling lam lài lơh jat kơnòl broă bơh Đảng, dà lơgar, sền gàr pràn kơl dang să jan làng bol in. Mpồl ling klàng sùm là anih kơl dìng tờm ngan dà lơgar dê, ngan là tàm tu\ dà lơgar gam ơm tàm bơta sơbơng roh, kòp pluh, trồ tiah lơh aniai.

Cau mblàng K’ Hạnh