VOV4.K’ho – Drim ngai 10/12, tàm [òn dờng Pleiku, càr Gia Lai, Hiệp hội kơphe ka kau Việt Nam neh bơyai lơh Pơrjum tơn jơh kàl lơh kơphe nam 2018 – 2019 mờ cribơyai gùng dà broă lơh, kơ nòl broă kàl lơh kơphe nam 2019 – 2020.

 Kàl lơh kơphe nam 2018 – 2019, gùt lơgar geh mờr 690 rbô lồ kơphe, khà kơphe lơh geh mờr 1 tơlak 700 rbô tấn, pria\ lơh geh bơh tac hờ lơgar ndai mờr 3 tơmàn dolar Mỹ. Pơn ndrờm mờ kàl lơh kơphe lài, khà lơh geh gơmù mờr 3%, ai pria\ lơh geh bơh tac hờ lơgar ndai gơmù rlau 14%.

Khà pria\ kơphe tac hờ lơgar ndai kàl lơh kơphe do tàm khà lơyah ngan rlau jơh tàm pơgap 10 nam do. Ơm tềng đap bơta ờ kơ\ kơljap bè khà pria\ bè do, ală lơgar tam kơphe neh pal pơrjum wơl nàng cribơyai bè broă lơh bơsong kal ke ai gah lơh kơphe tàm gùt dunia in.

Bal mờ bơta ờ kơ\ kơljap khà pria\, gah lơh kơphe Việt Nam kung gam pal kong mờ ua\ bơta lòng ndai. Mùl go\ là bơta kơphe kra ràm gam gơguh ua\ mhar ngan. Bulah tơngai lài, broă tam pa wơl kơphe tàm Tây Nguyên neh geh chồl pràn mơya dùl bơta geh ngan là bă kơphe kra ràm kung gam ua\ ngan.

Cau mblàng K’Duẩn