VOV4.K’ho- Ngai 22/4, tàm [òn dờng Buôn Ma Thuột, rlau dùl rhiang nă kuang bàng, cau ling gơ wèt Trung đoàn Kảnh sát Cơ động Tây Nguyên- Bộ Kuang àng dê neh tus bal pà mhàm dong kờl cau tàm tơngai gơbàn kòp Covid-19.

Mpồl bơyaì lơh neh dờp geh 126 kơldung mhàm tàm dơ\ do

Mờ jơnau đơs “Dùl ntờc mhàm ai pà, dùl rài kis ơm wơl”, srơh pà mhàm dong kờl is tài mpồl bơtiàn neh gơhòi gơ jà 150 nă kuang bàng, cau ling gơ wèt Trung đoàn Kảnh sát Cơ động Tây Nguyên- Bộ Kuang àng dê tus bal.

Tơn jơh dơ\ pà mhàm, Mpồl bơyai lơh neh dờp geh 126 kơldung mhàm mờ pà Hìu sơnơm dờng tiah Tây Nguyên mờ bàr pe hìu sơnơm kơnhoàl tàm càr Dăk Lăk dê nàng drơng sơm kòp ai ală cau kòp ờ tơl mhàm tàm do in.

Ală cau lơh broă dong kờl is jơh nùs ngan tus bal pà mhàm dong kờl cau tàm tơngai gơbàn kòp

Nàng broă lơh pà mhàm geh lơh niam ờdo ờdă, Mpồl bơyai lơh sồr jơh tơl nă cau lơh jăt niam ală broă lơh rcăng sơndră kòp, bè: gàr bơta ơm yah ngài pơgăp 2 thơk dùl nă cau, đo bơta duh să jan, kham kòp.

Cau mblàng Lơ Mu K’Yến