VOV4.K’ho – Mho òr (19/11), Mpồl kuang bàng bơh Thường trực Tỉnh ủy Dak Lak dê neh lòt còp, nting sap gờm chờ kuang bàng, cau pơgru, cau lơh broă Sở Giáo dục – Đào tạo, hìu bơsram Đại học Tây Nguyên mờ hìu bơsram Chính trị di tơngkah 37 nam Ngai cau pơgru Việt Nam.

Tỉnh uỷ Dăk Lăk neh lòt còp mờ gờm chờ Hìu bơsram Đại học Tây Nguyên

Tàm ală anih tus còp, mpồl kuang bàng neh nting sap gờm chờ, jờng rơ ală cồng nha mờ mpồl kuang bàng atbồ, cau pơgru, cau lơh broă ală mpồl neh lơh geh tàm tơngai lài. Mơkung kơp kờ` tơngai tus, ală mpồl pơn jat tai tơnguh nùs nhơm tam klac bal, jơh nùs mờ broă lơh, bơsong ală bơta ờ niam, kal ke, lơh gơs niam kơ nòl broă geh jàu, pơgồp bơnah bơto bơtê, tơnguh bơta niam mpồl cau lơh broă ai càr Dak Lak in đơs is mờ tiah Tây Nguyên in đơs bal.

Tàm càr Dak Nông, UBND càr neh tus còp, chờ gờm kuang atbồ, cau pơgru, cau lơh broă tàm sở Giáo dục mờ Đào tạo, hìu bơsram Chính trị càr mờ hìu bơsram Cao đẳng Cộng đồng Dak Nông. Tàm ală anih tus còp, kuang bàng đơng lam UBND càr Dak Nông đơs tòm, broă bơto bơtê mờ bơsram geh gơnoar kuơ màng tàm broă tơnguh bơtàu dà lơgar dê đơs bal mờ càr Dak Nông đơs is.

Kuang bàng đơng lam bồ càr Dăk Nông chờ gờm ală kuang ătbồ, cau pơgru mờ cau lơh broă tàm Hìu bơsram chính trị càr

Den tàng, ală kuang bàng, cau pơgru, cau lơh broă tàm ală hìu bơsram pơn jăt tai lơh ngan rơlao tai, bơsram tàp, nùs nhơm niam, tơnguh bơta ngăc ngar tàm broă lơh kờ` di pal mờ broă tơnguh bơtàu ngai sơlơ uă mpồl bơtiàn dê. Tàm tơngai tus, càr pal pơn jăt tai sền gròi bơcri priă bè phan bơna, geh tai ală broă lơh krơi is kờ` ai tơl bơta [uơn tàm broă tơnguh uă rơlao tai bơta niam broă bơto bơtê mờ bơsram cau lơh broă.

Tàm càr Kon Tum, mpồl kuang bàng càr dê neh lòt còp, nting sap gờm chờ Sở Giáo dục – Đào tạo càr, hìu bơsram Chính trị càr mờ sơne\ Hìu bơsram Đại học Đà Nẵng tàm càr Kon Tum.

Tàm ală anih tus còp, mpồl kuang bàng càr sồr sơne\ hìu bơsram Đại học Đà Nẵng tàm càr Kon Tum mờ Hìu bơsram Chính trị càr pal sền gròi tơnguh cồng nha bơto bơtê bơh mpồl cau pơgru dê nàng kờ` bơto bơtê bè lý luận chính trị mờ mờng chài lơh broă tus mờ mpồl kuang bàng, công chức, viên chức, pơgồp bơnah lơh gơlik mpồl cau lơh broă geh bơta niam ua\ nàng drơng broă lơh bơtàu tơnguh lơh sa – mpồl bơtìan bơh càr dê.

Pà bơkàu chờ gờm bal mờ Hìu bơsram đại học Đà Nẵng tàm Kon Tum

Kuang đơng lam bồ càr Kon Tum sồr gah lơh broă geh gơnoar pal kờp sền ală cau bơsram tơl khà  mờ sồr ală kơnhòal, [òn dờng geh broă rơndap lơh bơto bơtê pơn jat tai nàng kờ` tơnguh mpồl cau lơh broă tàm ală tiah kấp hơ đơm.

Cau mblàng K’ Duẩn mờ Ndong Brawl