VOV4.K’ho- Drim ngai 6/3, Kuang đơng lam bồ càr Gia Lai neh lòt còp mờ pà phan chờ gờm Mpồl tam klăc cau ùr càr di Ngai Dunia cau ùr 8/3. Tàm dơ\ tìp măt, kuang đơng lam bồ càr chờ gờm jơh ală Mpồl tam klăc cau ùr đơs is mờ cau ùr tàm gùt càr đơs bal di ngai Dunia cau ùr, chờ gờm oh mi cau ùr sùm dipal là ală cau ùr “jak broă dà lơgar, sir tơl broă hìu”.

Kuang đơng lam bồ càr sồr tàm tơngai tus, Mpồl tam klăc cau ùr càr pal tơrgùm lam lơh geh cồng nha bàr pe kơnòl broă, bè: bơyai lơh ai kuang bàng, cau tàm mpồl cau ùr ală kấp in tus bal tă pơgồp jơnau đơs tàm sră nggal Pơrjum dờng Đảng bộ càr dơ\ 16; rcăng lài bơyai, dan mờ kấp ủy, gơnoar ătbồ bè khà kuang bàng cau ùr tus bal Pơrjum dờng Đảng ală kấp êt ngan rlau jơh kung là bơh 5%, tơngo\ loh kơnòl tàm ring bal ùr klau; sền gròi ngan ngồn cau ùr, kơnòm dềt ờ pràn, kal ke, gơtìp sơgràm bi\c bài, jơnau bu\ dà tàm kơnòm dềt.

Gia Lai pà bơkàu chờ gờm Mpồl tam klăc cau ùr càr

Tàm càr Dak Nông, kuang đơng lam bồ càr neh lòt còp, pà bơkàu, nting sap gờm chờ mpồl tam klac cau ùr càr mờ Sở Y tế. Tàm ală anih tus còp, kuang đơng lam bồ càr đơs niam ală kấp mpồl cau ùr, cau tàm mpồl, oh mi cau ùr ngai sơlơ ai tơnggo\ gơnoar broă, bơngă he dê tàm rài kis lơh sa – mpồl bơtìan tàm [òn lơgar, sền gàr pràn kơldang să jan làng bol, ngan là tàm broă rơcang sơndră kòp Covid-19.

Kuang đơng lam bồ càr kơp kờ`, ală kấp mpồl cau ùr pơn jat tai bơsong kal ke, bơceh pa bơt bơtàu ală broă lơh, rơndap broă dong cau ùr tơmù r[ah kơ\ kơljap, là anih kơldìng sền gròi rài kis hìu bơnhă, tơnguh gơ noar broă bơh cau ùr dê tàm mpồl bơtìan.

Cau ùr gah lơh sơnơm tơnguh nùs nhơm geh kơnòl, pơlam tàp nùs nhơm lơh sơnơm, lơh jat jơnau bơto sồr Bác Hồ dê “Cau lơh sơnơm niam bè mè lơbơn niam”, lam lơh ngai sơlơ niam rlau tai kơnòl sền gròi, sền gàr pràn kơldang să jan làng bol.

Cau mblàng Lơ Mu K’Yến mờ K’Duẩn