VOV4.K’ho- Mờr 3 nhai do, bơta ờ geh dà tàm bàr pe tiah gam lơh tus rài kis bơh 119 hìu bơnhă làng bol tàm thị trấn Lạc Dương, kơnhoàl Lạc Dương, càr Lâm Đồng dê gơtìp gơrềng uă ngan. Pah mang, ală hìu bơnhă pal tàm ala cau nàng drơng guh bi\c ơm kơ\p geh dà nàng đơ pơdơng dà ngui sa.

Bơh ngai sa tềp tus tu\ do, hìu bơnhă bi Cil Đuyn ơm tàm tổ dân phố Bon Đưng 2 kung bè uă hìu bơnhă làng bol ndai sơl tàm thị trấn Lạc Dương, kơnhoàl Lạc Dương gam kis tàm rài kis ờ tơl dà ngui sa uă ngan. Bi Cil Đuyn pà gi\t, cau hìu bơnhă mang lơi kung pal tàm ala gơ\p guh bi\c nàng đơ pơdơng dà. Dà măy sùm gơtìp ờ geh lơh tus rài kis uă hìu bơnhă dê gơtìp gơrềng ờ niam uă ngan.

Bi Cil Đuyn đơs: Trồ ngai den ờ geh dùl ntờc lơi, trồ mang den geh dùl êt lơm gời. Tus gùl bơnang pơgap 12 jơ mang den hơ\ sồng geh dà nàng pơdơng dùl êt. Măy pìh phan, hơ\ sồng bình dà duh ờ gơtùi ngui, 1, 2 jiơ àng măy pìh phan kung ờ geh dà nàng ngui sơl.

Làng bol tổ dân phố Bon Đưng 1 pal guh bi\c nàng ơm kơ\p pơdơng dà ngui sa

Ờ tơl dà kung lơh tus broă kă bro hìu `ô sa bơh hìu bơnhă bi Lê Thị Vui dê tàm tổ dân phố Bon Đưng 1 sùm gơtìp gơrềng ờ niam. Pah ngai, ùr bơklau bi pal đìh rơndeh lòt gùng jòng mờr 1 kơi sồ nàng dan dà bơh cau pròc mhàm dê nàng geh dà rê ngui. Jăt bi Vui yal, bơh tu\ gơlik geh jơnau ờ geh dà, den broă um dà, pìh phan bơh hìu bơnhă dê kung ờ huan geh lơh uă tai.

Bi Lê Thị Vui, đơs bè do: Um dà, pìh phan, halà ràu să jan ờ geh dà, pal lòt dan dà pah thùng nàng rê ngui. Pah mang, bơklau a` dê pal lòt pơndiang dà rê tơl ngui dùl ngai hơ\ sồng lòt pơndiang dơ\ ndai tai. Bơta ờ geh dà mờ ờ geh bơsong den hìu bơnhă dan khuàng dà tơrlung, dilah jo\ jòng den bòl glar ngan, ngui ờ huan uă den ờ go\ kơlôi ir mơya hìu a` kă bro den kờ` pal geh uă dà.

Ndrờm bè hơ\ sơl nàng geh dà tru\ gơm biăp piang, um dà, pìh phan, hìu bơnhă bi Kră Ja` Hai ơm tàm tổ dân phố Bon Đưng 1, pal lòt dan dà tơrlung hìu gơ\p [òn dê nàng rê ngui. Bi Kră Ja` Hai wàm ngan, uă nhai do, dà ờ geh nàng ngui mơya priă dà den hìu bơnhă kung pal tơm sơl bal mờ priă dà den uă rlau tus bàr pe dơ\ pơndrờm mờ lài.

Bi Kră Ja` Hai, đơs: Nam do, bơta ờ tơl dà gơlik sùm gùt dar tiah do. Bòl glar ngan, a` lòt lơh broă rê glar ngan, mang kung gam pal guh bi\c sơl nàng ơm kơ\p dà nàng pơdơng. Dà den ờ geh nàng ngui mờ priă den 2 nhai jơh rlau dùl tơlak đong, nhai 1 priă dà jơh 695 rbô đong, nhai 2 rlau 500 rbô đong. Lài do, jơnhoa ngan rlau jơh hìu bơnhă a` mìng ngui dùl nhai jơh pơgăp bơh 170 rbô tus 180 rbô đong mơ.

 Ală hìu bơnhă làng bol tàm pơrjum bal priă nàng khuàng dà tơrlung nàng jòi dà ngui sa

Ồng Võ Quốc Trang, Kuang ătbồ dờng Công ty Cổ phần lơh ai mờ pơrdô dà càr Lâm Đồng đơs bè bơta do bè do, gơbàn jơnau ờ geh dà tàm bàr pe tiah là tài bơh gùng ding jun dà geh bơcri priă lơh bơh nam 1997 tus tu\ do ờ hềt geh lơh niam wơl. Tàm tu\ hơ\, ală hìu bơnhă làng bol gơguh tai den tàng gùng ding dà ờ tơl pràn lơh geh jơnau kơ\p kờ` ngui dà bơh làng bol dê.

Ồng Võ Quốc Trang đơs bè do: Bol a` đơs ngan là, bơta ờ geh dà là ờ geh mơya bè broă ờ tơl dà là geh. Bol a` neh lùp mờ gi\t geh broă do mờ neh lơh broă mờ làng bol. Tàm bồ nhai 3 do làng bol dùl nùs bal, den công ty geh lơh niam wơl jơh ală mờ lơh niam jơh gùng ding jun dà. Dà geh rê tơl jăt ding dà, mờ niam bơh tiah do dê.

Jăt ồng Nguyễn Phú Việt, Phó Chủ tịch UBND thị trấn Lạc Dương dê yal, thị trấn tu\ do geh 4 rbô hìu bơnhă làng bol ngui dà măy. Mơya, bơh lồi nam 2019 tus tu\ do, tàm 2 tổ dân phố Bon Đưng 1 mờ {on Đưng 2 bơta ờ geh dà tàm bàr pe tiah gơlik geh neh lơh 119 hìu bơnhă làng bol gơtìp gơrềng ờ niam. Bàr pe hìu bơnhă neh khuàng dà tơrlung nàng jòi dà ala mờ dà măy. Thị trấn kung neh pơyua sră tus Công ty Cổ phần lơh ai pơrdô dà Lâm Đồng in dan lòt sền, lơh niam wơl broă ai dà làng bol in.

Ồng Nguyễn Phú Việt, đơs: Jăt jơnau yal bơh làng bol dê den dà ngui sa là ờ tơl. Tu\ do, hìu măy dà ờ hềt lùp, ờ hềt pơgồp bal mờ tiah do nàng jòi gơlik jơnau bơh tài gơbàn bơta do nàng lơh ai dà làng bol in. Bol a` geh pơn jăt tai lùp nàng gi\t broă do mờ geh yal wơl nàng hìu măy dà gờ` bơsong ai làng bol in.

Cau cih Tuấn Anh- Cau mblàng Lơ Mu K’Yến