VOV4.K’ho - Nam pa do, broă lơh sa mpồl bơtiàn càr Lâm Đồng pơn jăt tai tơnguh bơtàu pràn, rài kis broă lơh sa làng bol dê ngai sơlơ gơguh uăr ơlao, mờ priă geh tơl nă cau geh mờr 67 tơlăk priă tàm 1 nam 1 nam mờ khà hìu rơ[ah gơmù uă ngan, tu\ do mìng gam 6,5%.

Pal kah ngan, tài rơcang tàm broă lơh sa, den tàng rài kis bơh làng bol lơh broă sa là kòn cau neh tơnguh lơh làng ngan, hìu rơ[ah gơmù mờ hìu tơl ngui tơl sa gơguh mhar.

Đơs bè cồng nha niam do, ồng Đa Cát Vinh, Chủ tịch Hội nông dân càr Lâm Đồng yal bơh dơ\ hơ jơnau lùp tơnơ\ do.

-Ơ ồng, nam pa do, làng bol lơh broă sa kòn cau càr Lâm Đồng pơn jăt tai geh uă cồng nha niam tàm broă lơh sa mờ rài kis, mờ ồng, bơta lơi là cồng nha niam bơne\ ngan?

Ồng Đa Cát Vinh: Nam pa do, là dùl nam tơnguh bơtàu pràn dà lơgar dê, rài kis làng bol ngai sơlơ gơguh. Rài kis làng bol ală kòn cau càr Lâm Đồng kung ngai sơlơ gơguh uă rơlao. Bơta lơh broă sa suơn sre làng bol ală kòn cau sơlơ geh ală cồng nha uă rơlao mờ lài do ngan.

Làng bol neh g^t pơrlòng lơh sa, g^t ngui khoa học kỹ thuật tàm broă lơh sa mờ ală phan geh lơh neh g^t jòi anih tăc kờ` tơnguh tai rài kis hìu nhă. Làng bol neh geh priă kờ` drơng rài kis pah ngai mờ drơng oh kòn in lòt bơsram, geh tơl bơta kờ` sơm kòp di lah hìu nhă geh cau gơtìp kòp tê jê să.

Làng bol kòn cau neh g^t kơlôi sơnơng tàm broă lơh sa, lơh ngan tàm broă tam phan kờ` geh cồng nha uă rơlao. Nam pa do, là dùl nam mờ làng bol tus bal uă ngan tàm broă bơ\t bơtàu [òn lơgar pa bè: tă priă lơh gùng lòt, lơh dà kloh ngui sa, lơh hìu pơrjum [òn, lơh kloh niam tiah kis tàm [òn ơm kis.

Tus bal bơsram mờ lơh jăt ală cau lơh sa jăk kờ` ngui tàm hìu nhă tòm kờ` tơnguh bơtàu lơh sa. Neh geh uă ngan hìu nhă làng bol kòn cau geh rài kis pas gơs bơh broă lơh kơphe, biăp, bơkào mờ geh uă priă…, hìu nhă bal mờ [òn lơgar ngai sơlơ pas gơs mờ tơnguh bơtàu.

-Bơta chờ ngan là broă tam gơl nùs nhơm kơlôi sơnơng tàm broă lơh làng bol lơh broă sa dê neh geh gơguh jăk loh làng ngan, bè hơ\ bơta do tơl^k go\ mùl màl bè lơi tàm broă tam phan kung bè tơnguh uă rài kis lơh broă sa làng bol dê?

Ồng Đa Cát Vinh: Pal đơs là nùs nhơm kơlôi sơnơng tàm broă lơh sa làng bol kòn cau tu\ do neh geh tam gơl, tu\ do làng bol neh ờ gam kơ\p gơn tàm broă dong kờl, bơcri priă bơh Đảng mờ Dà lơgar, mờ làng bol lơh broă sa là kòn cau tu\ do neh g^t bơh ală dơ\ lam sồr, pờ ơdu\ bơsram den làng bol g^t, bơh tu\ hơ\ tus bal tàm broă lơh sa, tàm broă ngui bơta gơguh jăk khoa học kỹ thuật, broă bè rơcang lài jòi geh priă, jòi geh drà tăc phan geh lơh… g^t kơlôi khin lơh mờ kung geh broă bơcri priă kờ` broă lơh sa geh tơnguh bơtàu.

Làng bol tu\ do kung neh g^t pờ internet kờ` jòi ală jơnau tơng^t bè broă lơh sa, bè broă tơnguh bơtàu lơh sa, lơh sa tàm lơgar mờ dunia kờ` geh ngui tàm broă lơh sa làng bol dê. Den tàng neh ờ gam kơ\p gơn tai mờ neh geh rơcang lài niam ngan, broă lơh sa kung neh gơguh rơlao jăt mờ ală nam lài do, broă lơh sa kung neh tam gơl niam jăt mờ broă lơh ờs mờng bơh ală nam lài.

-Ơ ồng, kờ` pơn jăt tai lơh geh uă cồng nha tàm broă lơh sa suơn sre jăt broă lơh kơl jăp, tàm nam pa do kung bè ală nam pơn jăt tai, làng bol lơh broă sa là cau kòn cau càr Lâm Đồng pal lơh bè lơi?

Ồng Đa Cát Vinh: Kờ` pơn jăt tai lơh geh uă cồng nha tàm broă lơh sa suơn sre jăt broă lơh kơl jăp, tàm tơngai tus làng bol pal: lài ngan là làng bol pal sùm bơsram, cri bơyai ală jơnau ngăc ngar, broă lơh mờng chài bơh ală ơdu\ geh [òn lơgar bơyai lơh, tus bal mờ bơsram tơl, bơsram bal ală broă tơnguh bơtàu lơh sa tàm càr, tàm lơgar mờ dunia dê.

Dơ\ 2, să tòm mờ hìu nhă pal lơh ngan tàm broă tơnguh bơtàu lơh sa.

Dơ\ 3, g^t ngui khoa học kỹ thuật mờ ngui công nghệ măi mo\k tàm broă lơh sa kờ` tơnguh uă cồng nha kung bè khà tơnhào phan tam.

Dơ\ 4 là, ba` kơ\p gơn tàm broa dong kờl bơh dà lơgar mờ să tòm pal g^t lơh broă. Dơ\ 5, là làng bol ală kòn cau pal tam klăc bal, gơboh bal, kờ` bơ\t bơtàu [òn lơgar ngai sơlơ tơnguh bơtàu, bal mờ Đảng, Dà lơgar tơnguh bơtàu lơh sa.

-Dan ưn ngài ồng uă ngan!

Cau mblàng Ndong Brawl