VOV4.K’ho – Lâm Đồng pa bơyai lơh Pơrjum tơn jơh broă lơh rơcang sơndră kă bro phan pồn tă dia, blac pơr lồm kă bro mờ phan ờ ngan nam 2019. Tàm nam 2019, ală mpồl lơh broă geh gơ noar tàm càr neh lòt sền, sền sơ wì rlau 3 rbô 300 dơ\, khà broă lơh tìs gơtìp lơh glài rlau 2 rbô 300 dơ\ gơ rềng tus kă bro phan ờ ai tac, phan blơi pồn tă dia bơh lơgar ndai, blac pơr lồm kă bro mờ lơh gơlik, tac phan ờ ngan tàm càr.

Nam 2020, Mpồl đơng lam rơcang sơndră kă bro phan pồn tă dia, blac pơr lồm kă bro mờ phan ờ ngan càr Lâm Đồng pơn jat tai lam lơh broă lơh rơcang sơndră kă bro phan pồn tă dia, blac pơr lồm kă bro mờ phan ờ ngan, mờ jơnau kờ` sền gàr gơnoar kuơ dipal bơh caungui sa dê, gàr kơ\ kơljap drà kă bro, lơh gơlik bơta niam nàng mpồl lơh sa kă bro in lơh broă.

Phó Chủ tịch UBND càr Lâm Đồng, ồng Phạm S sồr ală anih lơh broă geh gơ noar pơn jat tai lơh niam kơ nòl broă, ngan là sền gròi tus broă mblàng yal, lam sồr tus ală cau lơh gơlik, kă bro lơh jat niam adat boh lam, bơt bơtàu anih kă bro niam bơne\.

Cau mblàng K’Duẩn