VOV4.K’ho – Chi cục atbồ gùng lòt ù gờl 4.1 tàm [òn dờng Dà Làc, càr Lâm Đồng pa tă rlau 30 tơmàn priă nàng lơh niam wơl 24 kơi sồ gùng lòt gơ wèt gùng rơndeh 27 gơl lòt gan kơnhòal Đơn Duơng. Mơya tơnơ\ rlau nggùl nam lòt rê, mat gùng neh geh uă bă ờ diơng, lơh gơbàn uă bơta pin pơrdah bè bơta niam bơh gùng lòt dê.

                           Uă gơl gùng pa lơh niam wơl neh gơbàn ờ diơng

Gơl gùng pa geh lơh niam wơl tàm gùng rơndeh 27 là 24 kơi sồ tơrbo\ bơh sơne\ 3 Phi Nôm tus thị trấn Dran lòt gan kơnhòal Đơn Duơng, càr Lâm Đồng. Gùng rơndeh 27 gơl lòt gan kơnhòal Đơn Duơng pah ngai geh khà rơndeh rơndồ lòt rê uă ngan, mơya gơl gùng do gam ờ kơ\ tai tài bơh mat gùng sùm gơtìp `chùn. Làng bol tàm do đơs sùm, Tây Nguyên pah tu\ tus kàl mìu den mìu uă ngan, lơh niam wơl ală broă lơh gùng lòt pal kờp tus bơta do. Broă ai bơta do lơh jơnau nàng mblàng bơh tài gùng mhar gơbàn ờ diơng là ờ dipal ngan.

Cau mblàng K’Duẩn