VOV4.K’ho- Ngai òr 15/8, Mpồl kuang bàng bơh Mpồl đơng lam dà lơgar bè rcăng sơndră trồ tiah lơh aniai neh tus sền broă lơh rcăng sơndră trồ tiah lơh aniai mờ lòt jòi dong kờl rềs àr nam 2019 tàm Lâm Đồng. Bơh bồ sơnam tus tu\ do, tàm Lâm Đồng neh gơlik geh 14 dơ\ càl gơ pồt pràn, 5 dơ\ tơrlah ù mờ 4 dơ\ dà cò.

                           Uă tiah tàm Lâm Đồng gơtìp tơrlah mờ phan tam gơtìp gơbam jrô tàm dà

Trồ tiah lơh aniai neh lơh 1 nă cau chơ\t, 4 nă cau gơtìp sồt să, rlau 3.400 nơm hìu làng bol gơtìp ngơr bam tàm dà mờ tơrlah tơrlơm; rlau 5.300 lồ phan tam, kòi, chi tam jo\ nam gơtìp hoàc hươr, uă phan ròng mờ phan bơna gơtìp dà cò pơrdô jơh. Kờp jơh hoàc hươr kờp du\ rlau 280 tơmàn. Tàm hơ\, dơ\ mìu nhàc dà tih dà cò bơh ngai 6 tus ngai 9/8 pa do neh gơbàn hoàc hươr rlau 210 tơmàn.

Tàm dơ\ lơh broă, ồng Đặng Quang Minh, Kuang atbồ ing Vụ atbồ trồ tiah lơh aniai mpồl bơtiàn gơ wèt Tổng cục Rcang sơndră trồ tiah lơh aniai, Bộ Nông nghiệp mờ Phát triển Nông thôn dê đơs là, tơngai tus, trồ tiah digơlan pơn jat tai gơbàn kal ke ngan, Lâm Đồng pal rcăng lài mpồl cau, phan bơna, rơndeh rơndồ nàng bơsong ală jơnau dơgơlan gơlik geh. Tềng đap mat pal bơsong mhar jơnau gơlời wơl tàm ală tiah pa gơtìp hoàc hươr.

Cau mblàng Lơ Mu K’Yến