VOV4.K’ho – Mho òr (11/10), Mpồl cau lơh broă sa càr Lâm Đồng bơyai lơh Pơrjum tơn jơh srơh cau lơh broă sa tàm pơr lòng lơh sa, kă bro jak. Pơrjum neh jờng rơ 89 nă cau lơh broă sa jak ngan, ala mat mờr 66 rbô 400 nă cau lơh broă sa lơh sa, kă bro jak bơh càr Lâm Đồng dê. Do là ală krơh niam lam lài tàm broă tam gơl bơtơ ngoh sơnơng, khin sơnơng khin lơh, lơh geh cồng nha mờ lă broă lơh pa tàm broă lơh sa suơn sre; lơh gơlik bơta pràn pơn jờng ai srơh cau lơh broă sa tàm pơr lòng lơh sa jak tàm càr Lâm Đồng lơh geh uă cồng nha.

                        89 nă cau lơh broă jak bơh càr Lâm Đồng dê geh jơng rơ

Tus tu\ do, gùt càr neh lơh geh 950 trang trại, git nđờ rhiang hợp tác xã, mpồl lơh bal lơh sa suơn sre mờ mờr 14 rbô nă cau tus bal tàm mpồl. 5 nam do, cau lơh broă sa Lâm Đồng neh tă pơgồp rlau 164 tơmàn priă, mờr 16 rbô ngai lơh broă, at tê bal bơt bơtàu [òn lơgar pa.

Cau mblàng K’Duẩn