VOV4.K’ho – Dilah ờ kơ nờm tàm làng bol den mpồl Kiểm lâm bulah tơnguh cau lơh broă tus 3 dơ\ pơn drờm mờ tu\ do den kung ờ gơtùi sền gàr brê. Hơ\ là jơnau đơs bơh ồng Đoàn Văn Việt - Chủ tịch UBND càr Lâm Đồng dê tàm pơrjum sền wơl broă lơh sền gàr brê geh lơh ngai òr 19/7.

Bơh bồ nam tus tu\ do, ală gah lơh broă geh gơ noar càr Lâm Đồng neh sền go\ 324 broă lơh tìs adat sền gàr brê mờ rlau 38 lồ brê gơtìp koh kơl aniai, 8 lồ ù tam sền gàr brê gơtìp sơ gràm. Anih lơh broă geh gơnoar neh lơh glài hình sự 24 broă lơh tìs, kup ai rlau 450 khối dơm chi ală bơta, tơmut tàm kes priă dà lơgar mờr 2 tơmàn 400 tơlak priă.

Chủ tịch UBND càr Lâm Đồng sồr ală gah lơh broă geh gơ noar mờ gơ noar atbồ càr pal mblàng yal, lam sồr làng bol tus bal atbồ, sền gàr brê. Làng bol pal là tồr mờ mat bơh anih lơh broă geh gơnoar dê den hơ\ sồng gơtùi sền gàr brê.

Cau mblàng K’Duẩn