VOV4.K’ho- Drim ngai 17/4, UBND kơnhoàl Đức Trọng, càr Lâm Đồng neh ai mpồl kuang bàng tus tam pà bal bơta muăt jrùm, pơndờm pơnđiang mờ jòi broă dong kờl hìu bơnhă làng bol gơtìp hoàc hươr uă tài bơh kơnàs còng lơh 10 nơm kơnrồ dà toh chơ\t tơn tàm wàng.

                              Kơnàs còng lơh 10 nơm kơnrồ dà toh gơtìp chơ\t tơn tàm wàng

Broă do gơlik geh tàm mho ngai 16/4, tu\ tàm do geh mìu sar kơnàs dờng jo\ jòng. Tàm tu\ 15 nơm kơnrồ bơh hìu bơnhă ồng Phan Hoàng Lợi dê, ơm tàm tổ 13, thôn Bồng Lai, xã Hiệp Thạnh, kơnhoàl Đức Trọng gam sa biăp, `hơ\t tàm wàng nàng rcăng păt dà toh den gơtìp kơnàs còng.

Tài bơh wàng kơnrồ geh lơh mờ uă phan lòs, gùng che đèng lòt gan den tàng neh lơh 10 nơm kơnrồ gơtìp gơ jựk đèng mờ chơ\t tơn dùl anih, gơtìp hoàc hươr pơgăp 900 tơlak đong.

Do là dơ\ kơnàs còng lơh gơlik jơnau gơlời wơl kơn jơ\ ngan rlau jơh ai phan ròng dờng in tàm tiah do.

Tu\ do, gơnoar ătbồ tiah do mờ Mpồl cau lơh broă sa kơnhoàl gam jòi broă dong kờl hìu bơnhă ồng Lợi bơsong jơnau gơlời wơl mờ bơcri wơl lơh sa.

Cau mblàng Lơ Mu K’Yến