VOV4.K’ho – Lơh jat gùng dà broă lơh lơh niam wơl brê klàr, ờ gam chi che, dong làng bol kòn cau ơm kis bơh jo\ tàm [òn lơgar bơtàu tơnguh lơh sa, gàr kơ\ kơljap rài kis, càr Lâm Đồng neh tam gơl 62 lồ ù brê nàng lam lơh rơndap broă tam tờm kau su tơr gùm bal tàm [òn Con Ó, xã Mỹ Đức, kơnhòal Dà Teh. Bơh 7 nam lơh jat, tu\ do, rơndap broă do bơh sơn rờp neh cèng wơl cồng nha niam, dong ua\ hìu bơnhă brồ guh lik klàs r[ah, tơnguh niam rài kis mờ đềt mềr mờ brê.

Rơndap broă lơh tam tờm kau su tơr gùm bal tàm ù brê klàr geh càr Lâm Đồng lam lơh tàm [òn Con Ó, xã Mỹ Đức, kơnhòal Dà Teh. Jat hơ\, 62 lồ tờm kau su geh tam mờ jàu ală mpồl hìu bơnhă in jat broă lơh dà lơgar dong kờl pria\ jền geh sơntìl, phan bơna phơng sih, sơ nơm sền gàr phan tam mờ kỹ thuật, làng bol tă pơgồp ngai lơh broă, sơngka sền gàr, atbồ sền gàr jat di mờ jơnau geh pơlam bè kỹ thuật. Tus tu\ do, bơh 7 nam lơh jat, tờm kau su neh sơn đờm geh bơ sơt, bơh sơn rờp cèng wơl bơta kuơ lơh sa ai làng bol kòn cau tàm tiah do in.

Ồng K’Hùng, ơm tàm [òn Con Ó, xã Mỹ Đức là cau geh dờp kuơ bơh rơndap broă lơh do pà git, lài do ồng mờ làng bol tàm [òn ờ tơl ù lơh sa den tàng sùm gơbàn jơgloh r[ah, bơh ngai geh tai pria\ jền bơh bơ sơt kau su, broă lơh sa hìu bơnhă neh hời rơ hời tam gơl ua\ ngan: “Bơh ngai tờm kau su gơtùi còr bơ sơt den làng bol kung geh tai pria\ jền nàng kơ lôi rơcang hìu bơnhă mờ ai oh kòn lòt bơsram. Bơh hơ\ làng bol chờ hờp ngan”.

Tam tờm kau su tơr gùm bal tàm ù brê klàr nàng dong làng bol tàm [òn Con Ó lik klàs r[ah là rơndap broă lơh sơn rờp geh lam lơh tàm càr Lâm Đồng. Jat ồng Nguyễn Ngọc Thư, Chủ tịch UBND xã Mỹ Đức đơs, đal git rơndap broă lơh do là gùng dà broă lơh di ngan mờ là bơta pơn jờng kuơmàng tàm broă pơgồp bơnah lam lơh geh cồng nha broă lơh tơmù r[ah kơ\ kơljap, tu\ lam lơh rơndap broă lơh, gơnoar atbồ tàm [òn lơgar sùm pơgồp bal jơh nùs ngan mờ mpồl lơh broă geh gơ rềng nàng lơh jat di mờ broă rơndap lơh neh pơlam mờ di tàm ală tu\ tơngai, kơnờm bơh hơ\ geh làng bol dờn mờ rơcang lài rlau tàm broă sơngka sền gàr, atbồ sền gàr mờ tơnhài. Lơh dùl tiah brê klàr geh bơta kuơ ờ ua\ gơs dul tiah brê tơlir niam, cèng wơl pria\ jền lơh geh ai làng bol in, bơh sơn rờp pah nhai lơh geh rlau 5 tơlak pria\ tàm 1 lồ: “Tàm tu\ lam lơh den mpồl lơh broă xã dê sùm pơgồp bal mờ tiah tờm pơlam lơh sa suơn sre, tiah tờm lơh sa suơn sre kơnhòal dê nàng sùm lòt sền bơta kòp tu sa aniai mờ ală bơta bè dờng pràn bơh tờm kau su dê. Bơh hơ\ hòi jà làng bol sền gròi tus broă sơngka sền gàr. Tu\ do, neh geh 25 rbô tờm kau su tơl khà nàng còr bơ sơt”.

Jat ồng Bùi Văn Hùng, Chủ tịch UBND kơnhòal Dà Teh đơs, bơdìh mờ rơndap broă lơh tam tờm kau su tơr gùm bal tàm ù brê klàr neh lam lơh geh cồng nha mờ jàu tơl hìu bơnhă in 1 lồ, kơnhòal kung gam lam lơh ală broă lơh tam gle, tam tờm tơdàp tơr gùm bal, tam tờm zơu ròng tu nàng dong kờl làng bol kòn cau ơm kis bơh jo\ tàm [òn lơgar lik klàs r[ah. Tu\ ală broă lơh do geh lam lơh ua\, ngan là broă lơh tơmù r[ah bơh kơnhòal Dà Teh dê digơlan lơh geh cồng nha ua\ rlau tai. Mơya nàng gơtùi lơh geh jơnau kờ` hơ\ den kờ` ngan geh bơta lơh bal bơh gùt mpồl chính trị mờ rlau mờ bơta lơi jơh là jơnau git wă brồ guh is lik klàs r[ah bơh tơl nă làng bol dê: “Tu\ lam lơh rơndap broă lơh do mờ bơta tơr gùm bal den gơtùi dong làng bol gàr broă lơh sa, ờ tac ù tiah. Dơ\ 2 tai là bơcri cèng bơta kơ\ kơljap, jo\ jòng mờ jơnau kờ` là tơmù r[ah kơ\ kơljap. Tus tu\ do, den rơndap broă lơh neh lơh geh cồng nha, mờ cồng nha lơh geh là niam ngan jat bè jơnau kờ` bơh sơn rờp neh ai tơlik. Kơp kờ` tơnơ\ tu\ jơh ală bă kau su do neh gơtùi tơnhàu jơh mờ lơh geh pria\ jền den broă tơmù r[ah kơ\ kơljap là kơnhòal neh lơh gơtùi bloh”.

Ù tiah, suơn chi geh jàu mùl màl ai tơl hìu bơnhă in, mơya jơh ală hìu bơnha\ den geh rơndap wơl tàm 1 rơndap broă lơh tơr gùm bal, dờng mờ ring niam ngan. Do gơtùi sền là mờng chài lơh geh cồng nha tàm kơnhòal Dà Teh, càr Lâm Đồng, tàm broă tam gơl jơnau kờ` ngui ù, ai ù lơh sa làng bol kòn cau r[ah in, broă kung gam cèng bơta jal mhar tàm Tây Nguyên. Broă lơh ring niam, nền nòn, dong làng bol mờ dil nùs, brồ guh lik klàs r[ah bơh tàm ală bă ù geh sền là r[ah kal ke.

Cau mblàng K’Duẩn