VOV4.K’ho- Mpồl Kuang bàng Quốc hội càr Lâm Đồng pa bơyai lơh pơrjum lam lơh jăt broă lơh tă pơgồp jơnau đơs lơh gơs adat boh lam nam 2020. Tàm pơrjum, ală kuang bàng tă pơgồp jơnau đơs sồr Mpồl Kuang bàng Quốc hội pal geh jơnau yal hơ tơr wơl wơl, sền swì jơnau đơs tă pơgồp neh geh iăt kơno, lơh tam gơl, bơtơl tàm ală rơndăp lơh adat; pal geh bơta sền swì bơh sơnrờp, tơn jơh bè ală cồng nha lơh adat boh lam, bơta dong pơlam ai Mpồl kuang bàng Quốc hội in; pal jà ală cau mờng chài geh jơnau gi\t wa\ jrô gơ wèt mờ tơl gah broă, rơndăp broă lơh adat nàng ală dơ\ tă pơgồp jơnau đơs, lơh adat boh lam lơh geh cồng nha mờ jơnau sồr neh ai tơlik,…

Mpồl Kuang bàng Quốc hội càr Lâm Đồng geh bơyai lơh pơrjum, cribơyai ai jơnau đơs tă pơgồp gơ wèt mờ ală rơndăp broă lơh adat rcăng yal mờ Quốc hội in ai jơnau đơs mờ ring bal tàm pơrjum dơ\ 9 rcăng lơh bơh nhai 3 tus nhai 5 nam do mờ pơrjum dơ\ 10 rcăng lơh bơh nhai 9 tus nhai 11 nam do, nàng kờ` lơh geh cồng nha mờ di tơngai sồr.

Cau mblàng Lơ Mu K’Yến