VOV4.K’ho - Uỷ ban Mặt trận dà lơgar Việt Nam càr Lâm Đồng pa tơl^k jơnau hòi jà tus ală anih lơh broă, mpồl lơh broă, anih lơh sa kă bro, cau geh nùs nhơm niam tàm càr mờ càr ndai, làng bol lơgar Việt Nam kis tàm lơgar bơdìh tơnguh nùs nhơm tam klăc bal, mpồl bơtiàn geh kơnòl bal dong kờl kes priă rơcang sơndră mờ kòp Covid-19.

Jăt mờ hơ\, drim ngai 03 nhai 4, tàm anih lơh broă Uỷ ban Mặt trận dà lơgar Việt Nam càr Lâm Đồng, ală mpồl lơh broă, ală anih lơh broă, anih lơh sa kă bro, cau dùl nă să neh tă dong kờl bal tàm broă rơcang sơndră mờ kòp Covid-19.

Mìng tàm [ùi drim, Uỷ ban Mặt trận dà lơgar Việt Nam càr neh dờp geh 722 tơlăk đong. Do là khà priă geh nùs nhơm lam sồr uă ngan, pơgồp bal tàm broă tơnguh bơta pràn tàm broă rơcang sơndră mờ kòp, pơgồp bal tàm broă sền gàr bơta pràn kơl dang să jan, màng kis làng bol in.

Cau mblàng Ndong Brawl