VOV4.K’ho - Càr Lâm Đồng tu\ do gam anih tus niam ờ do ờ dă tu\ ờ hềt geh dờp cau gơtìp kòp Covid-19 lơi. Mơya, bơh tu\ kòp tàm gùng tă nhơm mhar gơbàn, broă lơh bơh gah nhơl chờ càr Lâm Đồng gơmù uă ngan, ală anih nhơl chờ, hìu năc ơm, dơ\ nhơl chờ ndrờm gơtìp ờ gơtùi lơh broă tài ờ geh cau năc tus.

Tàm [òn dờng Dà Làc, bơh ală anih nhơl chờ bè ngai ờs geh gal ngan cau bè suơn bơkào [òn dờng, Thung lũng tình yêu, Dòr mộng mơ… tus mờ ală anih nhơl chờ ha là hìu năc ơm, hìu sa, tu\ do ndrờm ờ gơtùi lơh broă, ờ geh cau năc tus.

Bi Nguyễn Đình Quân Huy, kuang atbồ tiah ơm rơlô să Green Land, tàm sơnah [òn 3, [òn dờng Dà Làc pà g^t: Lài do, pah ngai tàm tiah ơm rơlô să geh g^t nđờ rơbô nă năc tus nhơl sền, anih ơm cau năc pal dan cih măt lài 1 nhai hơ\ sồng gơtùi rơndăp geh. Tu\ do den cau năc sùm sơbì anih ơm, tàm hơ\ uă ngan là cau năc lơgar bơdìh ờ geh ngan.

-Di lah pơndờm mờ ală nam den cau năc gơmù uă ngan bè khà gal cau năc tus bal mờ cau năc dăn cih măt anih ơm. Mìng is bè cau năc dăn cih măt geh anih ơm khà cau năc sơbì anih ơm ngai sơlơ gơguh, tàm dùl ngai geh bơh 2 tus 3 anih cau năc ờ tus. Gơwèt mờ khà cau năc tus nhơl sền den gơmù mờr nggùl jăt mờ nam lài, khà năc dunia gơmù bơh 70 tus 80%.

Ồng Nguyễn Trần Thiên Ân, cau tòm hìu năc ơm New Life tàm gùng Đống Đa, [òn dờng Dà Làc yal: 64 anih neh geh cau năc dan ơm lài bơh lài mờ satềp. Bè hơ\ mờ ờ hềt tus nggùl nhai, hìu năc ơm neh pal kơlôi tus mờ broă koh tơmù cau lơh broă tài cau năc sùm sơbì anih ơm.

-Tu\ kòp gơbàn, cau năc sơbì anih ơm uă ngan, cau năc lơgar bơdìh, tàm lơgar gơmù uă ngan. Ală cau năc geh cih măt dan lài bơh nhai 11, nhai 12 nam lài tus nhai 1 nam 2020 den sơbì jơh, lơh hìu năc ơm hoàc huơr rơlao 70% pơn drờm mờ nam lài. Tềng đăp mờ bơta kòp do, bol a` gam kơlôi tus mờ broă ai cau lơh broă ơm mờ tơmù tơngai lơh broă.

Jăt khà kờp bơh gah nhơl chờ càr Lâm Đồng dê, tàm 6 ngai satềp, khà cau năc tus tàm càr Lâm Đồng gơguh 8% pơn drờm mờ tu\ do nam 2019.

Tơngai do gam là kàl nhơl chờ uă ngan gơwèt mờ cau năc bơh dunia dê, mơya tài gơbàn bơh kòp Covid-19, tus nhai 2 do, mìng kờp is tàm 14 hìu năc ơm bơh 3 sơrma` rơlao hờ đang, cau năc neh ờ tus ơm rơlao 10 rơbô anih. Jăt khà kờp bơh công ty nhơl chờ, den khà năc gơmù uă ngan, ờ tus mờ ală dơ\ nhơl chờ pơn drờm mờ nam lài tus 90%.

Mò Nguyễn Thị Bích Ngọc, Phó kuang atbồ Sở Văn hoá, Thể thao mờ Du lịch càr Lâm Đồng pà g^t, anih lơh broă geh gơnoar bal mờ ală mpồl lơh broă gam jòi broă lơh di pal kờ` ai broă nhơl chờ sơrlèt mờ tơngai kal ke do:

-Gah nhơl chờ geh bơyai lơh ală dơ\ tìp bal kờ` g^t bè ală hoàc huơr bơh tơl mpồl lơh broă, kờ` kờp wơl ală hoàc huơr mờ gah lơh broă do gơbàn.

Dơ\ bàr tai bol a` kờ` sền tàm broă sơndră mờ kòp, ală mpồl lơh broă tìp ală bơta kal ke lơi.

Bal mờ hơ\ sền ală anih lơh sa kă bro geh ală jơnau đơs lơi tus mờ gah lơh broă do, ai gơnoar atbồ in g^t kờ` geh dong kờl anih lơh sa kă bro tàm broă tơmù hoàc huơr mờ geh ală gùng dà broă lơh di pal ai anih lơh sa kă bro in tàm tơngai tus.

Mờ càr Lâm Đồng, broă ai lài ngan tu\ do gam là gàr niam ờ do ờ dă làng bol mờ cau năc in tềng đăp mờ kòp gơtòp.

Ală hìu kă bro broă lơh drơng ala nhơl chờ neh lơh uă broă lơh gơsơ\t khih, lơh kloh kòp, blơi geh sơnơm gơsơ\t vi khuẩn, ai chèo gòm muh măt, was bơta duh să jan cau năc in kờ` gàr niam broă rơcang sơndră mờ kòp Covid-19 jăt di mờ jơnau bơto sồr.

Càr Lâm Đồng kung neh ơm jơh ală broă lơh chờ mờ tàp pràn să jan tàm nhai 2 nam 2020 kờ` gàr niam broă sơndră mờ kòp gơtòp.

Cau mblàng Ndong Brawl