VOV4.K’ho- Càr Lâm Đồng tu\ do kung gam ờ hềt sền go\ dùl nă cau lơi bơtờp virus Sars CoV 2. Mờr 600 nă cau neh geh rê wơl mờ hìu bơnhă tơnơ\ ală ngai lơh jăt jơnau sồr ơm yah tam cah is tơrgùm bal. Ờ go\ ờ rcăng ngăc tềng đăp bơta kòp, gơnoar ătbồ bal mờ làng bol càr Lâm Đồng kung gam lơh jăt niam broă ơm yah tam cah is mpồl bơtiàn jăt Chỉ thị sồ 16 bơh Thủ tướng Chính phủ dê.

 Rlau dùl poh do, jơh tơl nă cau tàm hìu bơnhă bi Đỗ Thanh Trúc tàm thị trấn Đinh Văn, kơnhoàl Lâm Hà, càr Lâm Đồng ndrờm bè ờ go\ lik bơh hìu. Bi yal, să tờm hìu bơnhă bi kung bè uă hìu bơnhă gùt dar sơl ndrờm lơh jăt niam ală broă lơh rcăng sơndră kòp. Bi Đỗ Thanh Trúc, đơs: Tơnơ\ tu\ gi\t geh nùs nhơm bơh Đảng mờ Dà lơgar dê bè “tam dră mờ kòp ndrờm bè tam lơh mờ bol sò tơm sơl”, den hìu bơnhă bol a` dê ơm tàm hìu lơh jăt broă sồr ràu goh tê mờ dà lơh kloh khuẩn. Cau tàm hìu bơnhă tu\ lik bơdìh sùm pơn chèu glòm muh măt. Ờ huan halà ờ ai kòn dềt in lòt tus tiah geh gal cau. Bol a` sùm pơs wàs lơh sàng goh anih ơm, jơng gùng tung rềng.

 Ờ go\ di mìng tơngguh uă bơta gi\t wa\ rcăng sơndră is kòp ai să tờm mờ hìu bơnhă in, uă làng bol gam yal mờ gơnoar ătbồ tiah do in tu\ go\ cau bơh tiah ndai tus. Bi Nguyễn Thị Hải ơm tàm thị trấn Liên Nghĩa, kơnhoàl Đức Trọng, pà gi\t: Tềng đăp bơta kòp gơbàn, hìu bơnhă a` mờ jơh ală làng bol tàm [òn ndrờm lơh jăt niam ngan jơnau sồr bơh Thủ tướng Chính phủ dê. Jơh tơl nă cau ndrờm pơn chèu glòm muh măt, ờ go\ lòt tus ală tiah geh kòp. Tu\ geh cau tàm tiah ndai tus, ngan là bơh tiah geh kòp tus den bol a` yal tơn mờ gơnoar ătbồ tiah do in bal mờ ală mpồl cau in.

Làng bol ràu goh tê mờ dà lơh kloh khuẩn nàng rcăng sơndră kòp Covid-19

Bal mờ mblàng yal tơngguh uă jơnau gi\t wa\ ai làng bol in, gah lơh sơnơm càr Lâm Đồng neh rcăng lài rcăng sơndră wơl mờ bơta kòp bơh tàm [òn lơgar tơn. Ală tiah ndrờm neh crơng gơs Mpồl lơh broă mhar nàng dong kờl rcăng sơndră kòp. Ồng Hoàng Ngọc Túy, Kuang ătbồ Hìu sơnơm kơnhoàl Lạc Dương, pà gi\t: Hìu sơnơm kơnhoàl neh lơh dùl tiah sơm kòp ơm yah tam cah is bal mờ pơgăp bơh 12 tus 15 jơnờng piam kòp. Kuơmàng tàm tơngai do, bol a` neh lơh mờ gròi sền niam ngan jơh ală năc lòt nhơl tus tàm do. Yal di tu\ mờ Hìu sơnơm càr in sồr lơh jăt gròi sền, sac rwah ơm yah tam cah is tàm hìu, tàm hìu sơnơm kơnhoàl halà tàm anih ơm yah tam cah is tơrgùm bal bơh càr dê jăt jơnau sồr bơh Bộ Y tế dê.        

Jăt Anih tờm Gròi sền Kòp tê jê să càr Lâm Đồng dê yal, tus tu\ do, càr Lâm Đồng neh geh 593 nă cau jơh lơh jăt jơnau sồr ơm yah tam cah is 14 ngai. Tu\ do, Lâm Đồng ờ gam cau lơgar ndai pal ơm yah tam cah is gròi sền kòp. Tàm Hìu sơnơm ling klàng H32 gơ wèt Gah đơng lam mpồl ling càr Lâm Đồng dê ờ gam cau lơi ơm yah tam cah is tơrgùm bal tai. Ồng Phan Văn Đa, Phó Chủ tịch UBND càr Lâm Đồng đơs là, bulah Lâm Đồng ờ hềt sền go\ cau lơi bơtờp virus Sars CoV 2 mơya làng bol ba` sền ờ sơ\p. Ală tiah pơn jăt tai lơh jăt niam Chỉ thị sồ 16 bơh Thủ tướng Chính phủ dê bè rcăng sơndră kòp Covid-19. Ồng Phan Văn Đa, đơs: Kuang àng tàm [òn lơgar mờ ală thôn, tổ dân phố pal jăt sền niam bơta gơ tam gơl cau krơi nàng bol he gròi sền niam. Bal mờ hơ\, tơl tổ dân phố, tơl tiah làng bol ơm kis, bol he yal mờ ală anih lơh broă geh gơnoar in nàng tus lùp tus bơh tiah lơi.

Cau cih Tuấn Anh- Cau mblàng Lơ Mu K’Yến