Jăt mờ jơnau yal lài bơh Sở Công thương càr Lâm Đồng, năc nhơl chờ tus [òn dờng Dà Làc geh gơguh bơh 15 tus 20% di tàm Festival bơkào Dà Làc nam 2019, satềp Tây mờ satềp Canh Tý pơn drờm mờ tu\ do nam lài. Khà phan kờp du\ geh rơcang mờ prăp phan kă bro di pơgăp 1 rơbô 790 tơmàn priă.

UBND càr kung geh kơrnoăt, đơng lam ală gah, mpồl lơh broă gơrềng bal ai tơl bơta niam mờ dong kờl 70% khà priă pơn diang phan kă bro, priă tă cau tăc phan, priă tă ồs đèng, mờ ai tơl bơta niam ngan bè anih ai broă tăc phan Việt Nam in.

Kơrnoăt bơh UBND càr kờ` wèt tus bơta niam gàr ndrờm bal broă kờ` geh mờ broă tăc phan, ring niam ală bơta phan, tàm hơ\ uă ngan là ală bơta phan geh kuơ drơng tàm broă kờ` ngui sa di tàm Festival bơkào Dà Làc nam 2019, satềp Tây mờ satềp he, tàm hơ\ uă ngan là gơwèt mờ làng bol kis tàm tiah sar lơgar ngài, tiah kal ke mờ tiah làng bol kòn cau.

Cau mblàng Ndong Brawl