VOV4.K’ho – Tơnơ\ rlau 3 nhai ơm tàm hìu tài gơ rềng bơh kòp Covid-19 dê, poh do, kơnòm bơsram ală kấp tàm càr Lâm Đồng neh lòt bơsram wơl. Ală broă lơh rơcang sơndră kòp Covid-19 geh ală hìu bơsram lơh jat di mờ jơnau sồr.

Lài mờ tu\ tus ơdu\ bơsram, broă lơh lài ngan bơh ală cau pơgru hìu bơsram kấp 3 kòn cau càr Lâm Đồng dê là was khà duh să jan, pơlam kơnòm bơsram ràu tê lơh kloh khuẩn mờ pơn chèu glòm muh mat nàng rơcang sơndră kòp Covid-19. Tàm mpồng mut hìu bơsram mờ tơl cơldu\ bơsram, hìu jă brê kung geh lơh anih ràu tê lơh kloh khuẩn sơl.

Mò Phạm Thị Hồng, kuang atbồ hìu bơsram pà git, ală broă rơndap lơh rơcang lài kung neh geh rơcang wil tơl jơh: “Tàm hìu bơsram bol hi dê neh rơcang lài 2 cơldu\ tam cah is, dùl cơldu\ lời ai cau klau mờ dùl cơldu\ lời ai cau ùr in. Tu\ geh kơnòm bơsram bơsia\, hòr muh, nggụ den hìu bơsram geh ai ală oh ơm tàm hơ\ nàng sơm jơh nggụ hơ\ sồng lòt bơsram wơl. Lài do, tu\ rlô lik nhơl den ală oh gơtùi lòt hờ bơdìh blơi phan mơya tàm tơngai rơcang sơndră kòp do den cau sền gàr mờ mpồl atbồ kơnòm bơsram ơm tàm hìu bơsramn ờ ai kơnòm bơsram lik hờ bơdìh. Ală kơnòm bơsram lơi kờ` bơta lơi den cih tàm sră tong cau pơgru atbồ ơdu\ bơsram in nàng pơgru lòt blơi ală oh in”.

Geh lòt bơsram wơl tơnơ\ ua\ nhai ơm rlô bơsram, oh K’Tuys, kơnòm bơsram ơdu\ 12E, hìu bơsram kấp 3 kòn cau càr Lâm Đồng mờ git nđờ rhiang nă kơnòm bơsram ndai ndrờm chờ hờp lơm. K’Tuys đơs, geh bal mờ ală bơ yô lơh jat tơl làm ală broă lơh rơcang sơndră kòp jat jơnau pơlam bơh hìu bơsram dê nàng lơh gơs jơnau bơsram bơh nam bơsram dê: “Să tờm oh sùm lơh jat ală jơnau sồr bơh hìu bơsram dê mờ iat jơnau pơlam bơh cau pơgru dê bè pơn chèu glòm muh mat, sàu sa ơm rlô tàm cơldu\ ờ geh lik hờ bơdìh hìu bơsram. Tàu tàm hìu bơsram den he gơtùi gàr niam pràn kơldang să jan ai să tờm mờ ală bơ yô in, ai tu\ lik hờ bơdìh den digơlan he cèng kòp bơ tờp rê den ngòt rơ ngơt ngan”.

Kơnòm bơsram tàm Lâm Đồng lơh jat broă pơn chèu glòm muh mat rơcang sơndră kòp tu\ lòt bơsram wơl

Bal mờ cau pơgru, kơnòm bơsram, mè bèp kơnòm bơsram kung tơnguh jơnau git wă sền gàr ờ do ờ dă pràn kơldang să jan oh kòn in tu\ lòt bơsram wơl. Ala mờ jun oh kòn mut tàm [làng hìu bơsram bè lài den ơm hờ bơdìh mpồng hìu bơsram nàng kơnòm bơsram in mut is. Bè broă lam lơh bơ to bơtê, mò Phạm Thị Hồng Hải, Kuang atbồ Sở Giáo dục mờ Đào tạo càr Lâm Đồng pà git, ală broă lơh nhơl `o\ mpồl bal tàm hìu bơsram geh ơm ing. Ală hìu bơsram pal rơndap tu\ jơ mut ơdu\ bơsram, tu\ jơ rlô, jơh bơsram tàm bơrlu\ bal đah ală odu\ nàng kờ` ơm yah mờ tơngkah kơnòm bơsram ba` tơr gùm gal cau tàm tu\ jơ lik nhơl: “Hìu bơsram pal geh kơ nòl yal kuang bàng, cau pơgru, cau lơh broă mờ kơnòm bơsram in, pal was is khà duh să jan lài mờ tu\ lòt tus hìu bơsram. Mờ dilah cau lơi geh bơta gơ tơnggo\ duh să, bơsia\, kal ke tă nhơm den pal yal song dơpă mờ pal tus hìu sơ nơm nàng geh kham, pơlam sơm kòp ờ go\ di tus hìu bơsram kờ` pleh bơ tờp kòp cau ndai in. hìu bơsram kung pal mblàng yal kơnòm bơsram in lơh jat nền nòn broă pơn chèu glòm muh mat tu\ ală sau lik bơh hìu nàng lòt tus hìu bơsram. Broă bơyai lơh ai kơnòm bơsram in sàu sa, ơm tơn tàm hìu bơsram den pal gàr kloh niam ờ do ờ dă phan sa mờ pal sền gròi tus broă lơh sền gàr ờ do ờ dă rơcang sơndră kòp”.

Tus tu\ do, Lâm Đồng ờ hềt geh cau lơi bơ tờp virus SARS-CoV2. Mơya mờ nùs nhơm ờ sền ờ sơp kòp bơ tờp, ală hìu bơsram tàm càr Lâm Đồng kung gam pơn jat tai lơh jat ală broă lơh gàr kloh niam hìu bơsram, ơdu\ bơsram nàng kơnòm bơsram in iang nùs tu\ lòt bơsram wơl.

Cau mblàng K’Duẩn