VOV4.K’ho- Bơh ală broă lơh, rơndăp broă lơh mờ rơndăp broă dong kờl broă lơh, 6 nhai bồ nam 2019 do, càr Lâm Đồng geh rlau 18 rbô nă cau lơh broă geh ai broă lơh. Tàm hơ\, cau lơh broă là kòn cau geh mờr 40%, geh 60% broă rơndăp lơh; lơh geh broă lơh pa ai 5.600 nă cau lơh broă in, ai cau lơh broă lòt lơh broă hờ lơgar cau geh mờr 410 nă.

Nàng cau lơh broă geh broă lơh jak, gah lơh broă- cau ling sồt să mờ mpồl bơtiàn mờ ală tiah tàm càr Lâm Đồng neh lơh jat geh cồng nha broă dong kờl, bơto pơlam, bơto broă lơh dùl bă tiah tơn bơh ală broă lơh, tam, sơngka sền gàr kơphê, tam bơkàu, biăp công nghệ cao, ròng phan, bơyai lơh bơto broă lơh ờ di broă lơh sa sươn sre, bè: lơh niam wơl rơndeh rơndồ, lơh niam phan đèng ngui tàm hìu bơnhă, lơh phan mờ tê, phan niam chài, mai phan, sềr rùp phan bơna…

Ală tiah gam ai tơl bơta ai cau lơh broă mờ mpồl lơh sa kă bro in tìp mat bal, jòi ală jơnau yal tơngi\t, geh broă lơh ai càn priă nàng lòt lơh broă hờ lơgar ndai, pơgồp bơnah tơnguh uă priă lơh geh, tam gơl rài kis hìu bơnhă cau lơh broă in.

Cau mblàng Lơ Mu K’Yến