VOV4.K’ho- Ală ngai do, gi\t nđờ rbô nă cau geh rài kis kal ke tàm càr Lâm Đồng neh dờp geh phe ờ sa priă bơh măy ATM phe bơh Ủy ban Mặt trận dà lơgar Việt Nam càr Lâm Đồng dê pơgồp bal mờ ală mpồl cau, cau dùl nă să dê crăp lơh. Do là broă lơh geh kuơ ngan dong kờl cau r[ah sơrlèt gan kal ke tài bơh gơrềng bơh kòp dờng Covid-19 dê.

Dờp phe bơh măy ATM tàm hìu yàng phờk Linh Quang tàm sơnah [òn 6, [òn dờng Dà Làc bơh Ủy ban Mặt trận dà lơgar Việt Nam càr Lâm Đồng pơgồp bal mờ Mpồl duh broă yàng phờk Hìu yàng Phờk Ling Quang dê crăp lơh, mò Trần Thị Lan là dùl nă cau tăc ve\ số pà gi\t: Mờr dùl nhai, ve\ số ờ lơh tơlik tai den tàng rài kis mò dê tìp kal ke ngan gi\t lơh. Lài mờ tơngai gơbàn kòp, pah ngai lòt tăc ve\ số mò gam geh đau priă jền nàng blơi phe sa. Mơya bơh dì tu\ geh kòp bơtờp uă, mò ờ geh broă lơh den tàng jơh ală priă ngui sa tàm rài kis ndrờm pal lòt lèng lòt càn ing mờ hìu bơnhă cau oh klau dê.

Mò Trần Thị Lan, đơs: A` lòt tăc ve\ số mơya ơm rlô jơh dùl nhai do den tàng geh priă nàng ngui sa. A` gơlơh ngoh rơngăc ngan tu\ Chính phủ, Dà lơgar sền gròi dong kờl ai làng bol r[ah tàm tu\ kal ke kòp bơtờp in. Dùl pèt tu\ jơgloh ndrờm mờ dùl dơ\ tu\ hờm.

Tơl nă cau kal ke geh măy ATM dong kờl ờ sa priă

Ndrờm bè hơ\ sơl, broă lơh lòt lơh apah hìu đam bơh bi Nguyễn Thị Minh Ngọc dê ơm tàm sơnah [òn 6, [òn dờng Dà Làc ală ngai do pal ơm ing jơh den tàng hìu bơnhă ờ lơh geh priă jền. Rài kis bơh mè kra mờ 3 nă kòn dềt dê ndrờm bơh dùl nă să bi dê à` ơnòng jơh. Tu\ kơno yal geh măy ATM phàt phe ai cau r[ah in, bi chờ hờp ngan gi\t lơh mờ đơs: A` lòt lơh apah hìu đam cau in mơya dơ\ do kòp ờ geh broă lơh. Bàr pe ngai do ờ geh broă lơh, a` lòt jòi khòm sồ siă nàng jòi priă kis sơrlèt gan đau pah ngai mờ đơs ngan là ờ hềt geh broă nàng lòt lơh. A` dan ưn ngài Dà lơgar, gơnoar ătbồ mờ ală mpồl cau neh dong kờl a` tàm dơ\ kòp bơtờp do.

Măy ATM phe bơh sơnrờp tàm [òn dờng Dà Làc bơh Ủy ban Mặt trận dà lơgar Việt Nam càr Lâm Đồng dê pơgồp bal mờ Mpồl duh broă yàng phờk Mpồl hìu duh khuai Linh Quang mờ Tập đoàn sơlo Hoa Sen dê crăp lơh. Pah ngai, măy geh phàt mờr 500 ki\ phe ai ală cau geh rài kis kal ke in. Đại Đức Thích Đinh Toàn, Drơng gàr Hìu yàng phờk Linh Quang pà gi\t: ờ go\ di mìng geh cau tus dờp phe lơm, tu\ lơh broă lơh phàt phe ờ sa priă, geh uă ngan cau geh nùs nhơm niam pơndiang phe tus nàng dong kờl ai làng bol in.

Đại Đức Thích Đinh Toàn, đơs: Do là ală bơnah phan pà ờ go\ dờng mơya neh dong làng bol geh rài kis kal ke sơrlèt gan bơta kal ke tàm tu\ siơ\u siar. Kuơmàng dong khi geh bơta dòn kơnờm bè nùs nhơm kòn bơnus, nùs nhơm tàm rài kis. Mờ bol a` lơh jăt jơnau sồr bơh Thủ tướng Chính phủ dê là ờ go\ di lời hu\i dùl nă cau lơi tàm dơ\ kòp dờng do. Hơ\ là nùs nhơm bơto tơngkah kòn bơnus bơh broă lơh ATM phe dê.

Làng bol r[ah [òn dờng Dà Làc dờp phe dong kờl

Ndrờm bè hơ\ sơl, tàm kơnhoàl Đức Trọng, mờr 20 tấn phe neh geh măy ATM phe dong kờl tus gal ngan làng bol r[ah gơtìp roh broă lơh, ală cau geh rài kis kal ke. Ồng Nguyễn Đức Triệu, Phó Kuang ătbồ Mpồl Chữ thập đỏ kơnhoàl Đức Trọng pà gi\t: Bal mờ broă hòi jà tă pơgồp phe pà ai làng bol in den cau tus dờp phe pal lơh jăt jơnau sồr pơn chèu glòm muh măt, lơh jăt jơnau sồr ơm yah ngài nàng lơh niam broă lơh rcăng sơndră kòp. Ồng Nguyễn Đức Triệu, đơs: Bol a` geh jăt tàm bơta geh ngan, dilah jơnau kờ` bơh làng bol dê gam uă mờ bơta kòp bơtờp gam kal ke jo\ jòng den bol a` geh pơn jăt tai lơh broă crăp lơh măy do.

Jăt Ủy ban Mặt trận dà lơgar Việt Nam càr Lâm Đồng dê yal, tus tu\ do jơh gùt càr neh lơh 4 nơm măy ATM phe tàm 4 tiah. Tơnơ\ tu\ phe dong kờl geh pà jơh, Mặt trận dà lơgar Việt Nam càr Lâm Đồng geh jun ală măy ATM do pơn jăt tai tus ală tiah ndai phàt phe ờ sa priă ai làng bol gơtìp gơrềng tài bơh kòp bơtờp in. Mờ jơnau đơs “Cau lơi ờ geh dan jà dờp, cau lơi geh dan chờ hờp nùs pơgồp bal pràn”, ală ngai do, bơh bơta tàm sơm băt tê bal tă pơgồp bơh uă cau geh nùs nhơm niam dê, gi\t nđờ rbô hìu bơnhă tìp kal ke tàm ù tiah càr Lâm Đồng dê neh geh măy ATM phe dong kờl bơtơl pràn.

Cau cih Tuấn Anh- Cau mblàng Lơ Mu K’Yến