VOV4.K’ho- Mpồl kuang bàng Quốc hội càr Lâm Đồng neh bơyai lơh Pơrjum ai jơnau đơs tă pơgồp Adat tam gơl, bơ tơl 2, 3 bơta bơh Adat kuang bàng công chức, viên chức; Adat bơyai lơh Chính phủ mờ Adat bơyai lơh gơnoar atbồ kấp hơ đơm. Ai jơnau đơs tă pơgồp Adat tam gơl, bơ tơl 2, 3 bơta bơh Adat bơyai lơh Chính phủ mờ Adat bơyai lơh gơnoar atbồ kấp hơ đơm, uă ngan kuang bàng đơs là, broă jàu Chính phủ in tơlik kơrnuat lam lơh tơr lòng lài broă lơh pa bè mpồl kuang bàng duh broă bơh Bộ, anih lơh broă ndrờm mờ Bộ, anih lơh broă gơ wèt Chính phủ, UBND kấp càr, kấp kơnhòal den pal lơh loh khà bơh broă lam lơh tơr lòng lài mờ Chính phủ pal yal Quốc hội mờ Ủy ban Thường vụ Quốc hội in ai tơlik gùng dà broă lơh lài mờ tu\ lam lơh tơr lòng lài.

                                                              Gùt anih pơrjum

Ală kuang bàng kung sồr UBND kấp xã pal geh 2 nă Phó Chủ tịch, tài tàm kấp xã broă uă ngan. Gơ wèt mờ Adat tam gơl, bơ tơl 2, 3 bơta bơh Adat Kuang bàng, công chức mờ Adat Viên chức, ală kuang bàng đơs là, pal tơmut công chức xã tàm Adat công chức. Bal mờ hơ\, broă sac rơ wah kuang bàng, công chức viên chức pal geh tai ală tơl khà ngan ngồn rlau…

Cau mblàng K’Duẩn