VOV4.K’ho - Tàm xã Dà Tông, kơnhoàl Dam Rông, càr Lâm Đồng, Sổ Lao động Thương binh mờ Xã hội pơgồp bal mờ Tỉnh Đoàn bơyai lơh lam sồr nhai lơh broă tài ring bal cau klao mờ cau ùr bal mờ sơndră mờ tam lơh, pù pờng gơwèt mờ cau ùr mờ kơnòm dềt nam 2019.

Nam do, mờ tơngu me “Tơn jơh tam lơh, pù pờng gơwèt mờ cau ùr mờ kơnòm dềt”, nhai lơh broă wèt tus broă hòi jà broă sền gròi, tơnguh uă gơnoar, kơnòl bal mờ nùs nhơm rơcang lài tus bal broă lơh bơh să tòm, hìu nhă, mpồl bơtiàn, anih lơh broă, mpồl lơh broă tàm broă sơndră mờ tam lơh pù pờng mờ sơgràm aniai cau ùr mờ kơnòm dềt; chồl pràn broă yal, lam sồr, bơto bơtê adăt boh lam bè ring bal cau klao mờ cau ùr mờ sơndră mờ tam lơh, pù pờng tàm tơnguh me cau klao mờ cau ùr; lam sồr gùt mpồl bơtiàn rơcang lài, tus bal sơndră kờ` lơh geh cồng nha rơlao ală broă lơh bè ring bal cau klao mờ cau ùr mờ broă sơndră mờ tam lơh, pù pờng tàm tơngu me cau klao mờ cau ùr.

Bơdìh hơ\ tai, tơmù broă kơnòm bơsram sơbì bơsram, ai lài dong kờl priă bơsram kờ` ai geh bơta niam lòt bơsram ai kơnòm bơsram geh rài kis kal ke in, tàm hơ\ uă ngan là kơnòm bơsram ùr.

Nhai lơh broă tài ring bal cau klao mờ cau ùr mờ sơndră mờ tam lơh, pù pờng tàm tơngu me cau klao mờ cau ùr nam 2019 geh bơyai lơh bơh ngai 15 nhai 11 tus ngai 15 nhai 12 nam do.

Cau mblàng Ndong Brawl