VOV4.K’ho – Drim ngai 16/3, tàm hìu lơh broă Chính phủ, Phó Thủ tướng, ồng Vũ Đức Đam, Kuang atbồ Mpồl đơng lam dà lơgar bè rơcang sơndră kòp Covid-19 neh đơng lam pơrjum bè ală broă lơh rơcang sơndră bơta bơ tờp ua\ bơh kòp dê. Mpồl đơng lam pà git, kòp Covid-19 gam gơlik geh kal ke tàm ală lơgar tàm dunia, sơr lèt rlau mờ bơta pràn gơtùi sền gròi. Den tàng, pal lam lơh ală broă lơh kơryan krà` cê rlau, jơh nùs rlau tai gơ wèt tus mờ cau mut tàm lơgar Việt Nam.

Mpồl đơng lam sồr Bộ Y rế geh jơnau pơlam, sồr ală sơnah [òn, xã pal lơh jat broă tam cah is nền nòn, kham sac rơ wah, git go\, tam cah is tàm mpồl bơtìan nàng sơndră kòp bơ tờp. Bè pria\ jền, gơ wèt mờ cau lơgar ndai, kờp bơh ngai 16/3, mìng ờ sa pria\ xét nghiệm dơ\ 1, tàm tơngai sơm kòp pal tơm is pria\. Gơ wèt mờ pria\ sơm kòp, cau ờ geh Bảo hiểm y tế bơh kes pria\ dà lơgar dê tă tơm, cau geh bảo hiểm y tế bơh bảo hiểm y tế tă tơm jat jơnau sồr, bơnah gam wơl bơh kes pria\ dà lơgar tă tơm.

Cau mblàng K’Duẩn