VOV4.K’ho– Tàm Hà Nội, Đảng ủy Khối ală anih lơh broă dà lơgar neh bơyai lơh pơrjum lam lơh jat ală sră nggal drơng pơrjum Đảng ală kấp tàm Đảng bộ Khối ală anih lơh broă dà lơgar, wèt tus pơrjum gùt lơgar dơ\ 13 bơh Đảng dê. Đơs mut pơrjum, ồng Sơn Minh Thắng, Bí thư Đảng ủy Khối ală anih lơh broă dà lơgar đơs loh: Đảng ủy Khối mờ ală kấp ủy tàm đảng bộ neh tơr gùm kơlôi sơnơng, lơh jat ngan ngồn chỉ thị bơh Bộ Chính trị dê nàng lam lơh jat tus mờ ală mpồl duh broă Đảng he dê jat tơl kấp.

Mơkung tơr gùm đơng lam bồ, pơlam rơcang ală bơta nàng drơng pơrjum Đảng ală kấp tàm gùt Đảng bộ khối bè neh tơlik broă rơndap lơh, pơlam crơng gơs ală tiểu ban, mpồl dong broă pơrjum mờ ală sră nggal ndai nàng đơng lam pơrjum. Ală kuang bàng neh geh iat jơnau yal ală broă rơndap lơh bơh Ban Thường vụ Đảng ủy Khối dê bè bơyai lơh pơrjum đảng bộ ală kấp, wèt tus pơrjum kuang bàng khối ală anih lơh broă dà lơgar dơ\ 13, tơngai lơh broă bơh nam 2020 tus nam 2025.

Cau mblàng K’Duẩn