VOV4.K’ho- Tài bơh prang dờng soăt dà jo\ jòng, tơngai duh mờr 2 nhai do, gi\t nđờ rhiang hìu bơnhă làng bol tàm ală xã: Ea Bar, Ea Wel, Ea Nuôl, Tân Hòa... gơ wèt kơnhoàl tiah nhàr lơgar Buôn Đôn, càr Dăk Lăk dê ờ tơl dà ngui sa uă ngan. Nàng geh dà ngui sa, làng bol pal ngui măy [ồm dà bơh ală kơlhu\c dà gam jơngkah wơl tàm ală tơnau dà, dà dờng, dà croh, dà tơrlung halà blơi dà thùng nàng rê ngui.

Bi Vũ Thanh Hùng ơm tàm thôn 18B, xã Ea Bar, kơnhoàl Buôn Đôn pà gi\t, dà ai tờm bơh dà tơrlung tờ nàng ngui sa ai 6 nă cau tàm hìu bơnhă in neh soăt jơh. Rlau 2 nhai do, bi pal ngui rơndeh công nông pơndiang sơntèk nàng lòt dan halà blơi dà bơh làng bol tàm tiah do dê nàng cèng rê ngui. Bi Vũ Thanh Hùng, đơs: Dà ngui sa den he dan geh dùl sơntèk pơdơng 1 rbô li\t dà den ngui di 2, 3 ngai lơm là jơh tơn. Tu\ do, làng bol gùt dar tàm do kung neh jơh sơl dà, dan den pal lòt ngài bàr pe kơi sồ den tàng bòl ngan. Dà dan rê ngui kung mìng là dà sơkal lơm ờ go\ sàng goh, mìng ngui nàng pìh phan mờ um lơm. Dà sa den he pal blơi nàng rê ngui sa ai jơh bal dùl hìu in. Dùl ngai he blơi dùl thùng dà 20 li\t den jơh 20 rbô đong mờ ngui jơh. Dùl nhai hìu bơnhă pal tă rlau 600 rbô đong priă blơi dà nàng ngui.

Pơgăp 1 rbô 100 hìu bơnhă làng bol tàm kơnhoàl Buôn Đôn ờ tơl dà ngui sa bơh rlau dùl nhai do

Ai mò Nguyễn Thị Nguyệt ơm tàm thôn 1, xã Ea Nuôl, kơnhoàl Buôn Đôn den pà gi\t, làng bol tàm thôn mờ ù tiah gùt dar neh ờ tơl dà ngui sa bơh uă ngai do. Tu\ do, hìu bơnhă mò Nguyệt bal mờ bàr pe hìu bơnhă làng bol tàm thôn pal tam pà bal dà mìng dùl lơm tàm dà tơrlung khuàng bơh ngkời hìu mơya dà kung ờ geh tơl sơl. Mò Nguyễn Thị Nguyệt, đơs: Anih hìu a` dê den hìu bơnhă lơi kung ờ geh tơl dà lơm tài bơh jơh ală dà tơrlung ndrờm mờr soăt jơh dà. Tu\ do, 3, 4 hìu den sa bal dùl nơm dà tơrlung. Kàl prang den he [ồm gùt ngai sùm, [ồm jơh dùl jiơ mờ mìng geh dùl êt dà lơm tàm thùng nàng ngui mơya sơkal ngan. Dà do mìng gơtùi ngui nàng um mờ pìh phan lơm, ai dilah ngui nàng sa den là ờ gơtùi. Trồ prang dờng jo\ jòng bè do, kờ` pal geh dà sàng goh bơh cau dê dong kờl ai he in.

Jăt kờp sền bơh Phòng Nông nghiệp mờ Phát triển Nông thôn kơnhoàl Buôn Đôn dê, bơh bồ kàl prang nam 2020 tus tu\ do, kơnhoàl geh pơgăp 1 rbô lồ chi tam ală bơta, bè: kòi, tơngời, bùm, tiêu, kơphê mờ chi sa plai gơtìp ro kơnra`; tàm hơ\ mờr 300 lồ neh gơtìp sơrbì jơh. Pơgăp 1 rbô 100 hìu bơnhă làng bol ờ tơl dà ngui sa, tơrgùm uă tàm 3 xã là Tân Hoà, Ea Bar mờ Ea Nuôl.

Mò Trần Thị Thủy, Phó Kuang ătbồ Phòng Nông nghiệp mờ Phát triển Nông thôn kơnhoàl Buôn Đôn pà gi\t, tus tơngai do, Ủy ban Nhân dân kơnhoàl Buôn Đôn neh tă mờr 300 tơlak đong nàng lơh 6 nơm dà ngui sa dong làng bol in. Phòng Nông nghiệp mờ Phát triển Nông thôn kơnhoàl pơn jăt tai kờp sền hoàc hươr nàng yal mờ Ủy ban Nhân dân kơnhoàl in geh gùng dà dong kờl dipal. Jăt mò Trần Thị Thủy, dilah tu\ geh bơta dong kờl bơh gơnoar ătbồ tiah do dê den làng bol kung pal ngui dà tềm pềr sơl. Mò Trần Thị Thủy, đơs: Tềng đăp bơta trồ prang dờng ngan, bl a` hòi jà làng bol ngui dà tềm pềr, tam pà dà bal mờ gơ\p mờ lơh jăt broă tuh dà tềm pềr dong kờl ală bă ù tam phan gam gơtùi dong kờl geh. Ai ing lài priă jền bơh kơnhoàl dê ai 6 anih khuàng dà tơrlung gơ wèt mờ dà ngui sa. Pơn jăt tai kờp sền gơ wèt mờ ală xã mờ yal mờ Ủy ban Nhân dân kơnhoàl pơn jăt tai ai ală thôn, [òn gam wơl in.

Cau cih Tuấn Long- Cau mblàng Lơ Mu K’Yến