VOV4.K’ho - Bơh ngai 16 nhai 3, gùt lơgar lơh jăt jơnaui đơng lam bơh Thủ tướng Chính phủ ồng Nguyễn Xuân Phúc bè broă pơn chèo gòm muh măt tu\ lòt tus tàm anih mpồl bơtiàn.

Tàm [òn dờng Buôn Ma Thuột, càr Dak Lak ală ngai do, geh gal làng bol neh rơcang pơn chèo tu\ l^k bơdìh hìu kờ` sơndră mờ kòp.

Bơh bồ nhai 3, tàm siêu thị Co.op mart Buôn Ma Thuột, ală làng bol tus tàm do ndrờm neh pơn chèo mờ rào tê mờ dà lơh kloh vi khuẩn lài mờ tu\ mu\t tàm tiah blơi phan.

           Làng bol pơn chèo gòm muh măt tu\ lòt blơi phan tàm siêu thị Co.op Mart Buôn Ma Thuột

Lo\ Hồ Thị Tuyết Trinh, kis tàm sơnah [òn Tân Lập, [òn dờng Buôn Ma Thuột-là cau tus blơi phan pà g^t, bơh tu\ g^t jơnau yal bè kòp Covid-19 geh tơngo\ kal ke tàm lơgar he, den hìu nhă lo\ neh rơcang pơn chèo gòm muh măt pah tu\ l^k bơdìh hìu.

-A` mờ cau tàm hìu pơn chèo tu\ tus tàm anih mpồl bơtiàn là ngai kung bè mang. Pơn chèo tus tàm anih mpồl bơtiàn den ờ hoan ngòt broă mờ cau gơtìp bơsiă, ntas den he iang nùs rơlao.

Geh bal tu\ he tus ală anih mpồl bơtiàn kung ờ khin at tê tềng ntùng. Tơnơ\ mờ tu\ rê den he rào tê kloh, jùt ra` hơ\ sồng at ală bơta phan ngui tàm hìu tòm.

Gam mò Nguyễn Thị Hoa, kis tàm sơnah [òn Tân Thành, [òn dờng Buôn Ma Thuột đơs là, broă pơn chèo tu\ tus tàm anih mpồl bơtiàn ờ mìng tài bơta pràn kơl dang să jan să tòm, mờ gam tơl^k kơnòl mờ mpồl bơtiàn.

-Pah tu\ lòt a` ndrờm pơn chèo, lòt tàm tiah lơi kung pơn chèo kờ` ờ hoan gơtòp kòp. Rê tàm hìu den rào tê mờ sơ[ong sùm. Kung lơh ngan kờ` sơndră tàm dơ\ kòp gơtòp bè do. Rơcang sơndră ai cau tàm hìu mờ mpồl bơtiàn in tai.

Ờ mìng tàm siêu thị, tàm ờ uă anih tơrgùm gal cau bè tàm drà, tiah nhơl chờ, anih nhơl chờ tàm càr Dak Lak, rùp ală cau ndrờm pơn chèo neh gơs mờng ngan. Tàm [làng rơndeh ơm càr Dak Lak, cau lòt gùng kung bè cau lơh broă tàm ală hìu rơndeh ndrờm lơh jăt broă pơn chèo tàm broă lòt rê.

  Cau năc nhơl chờ pơn chèo gòm muh măt mờ rào tê lơh kloh vi khuẩn tàm tiah nhơl chờ Ako Ea

Ồng Đỗ Thanh Tuấn, Phó kuang atbồ Công ty cổ phần [làng rơndeh ơm càr Dak Lak pà g^t, broă sơndră mờ kòp Covid-19 neh geh công ty sồr lơh jăt bơh gờ` ngan.

-Bơh tu\ sơnrờp gơbàn kòp den bol a` neh blơi chèo kờ` rơcang ai ală cau năc ờ geh chèo in. bol a` lơh tai broă bè ngui labo rào tê ai cau năc in. Tu\ do bol a` geh lơh tai là jơh ală cau năc đì tàm rơndeh pal geh sồ điện thoại, anih ơm kis, măt sơnđan, lòt tus tàm tiah lơi.

Thạc sĩ, Bác sĩ Trịnh Quang Trí, Phó kuang atbồ anih sền gròi kòp tê jê să càr Dak Lak pà g^t, broă pơn chèo tàm anih mpồl bơtiàn là broă pal geh lơh kờ` kơrian broă gơtòp bơh kòp.

Mơya, làng bol ờ duh pal pơn chèo y tế mờ gơtùi pơn chèo biài bè ờs kờ` sơndră mờ kòp.

-He g^t là gùng gơtòp tòm ngan bơh Covid-19 là bơh dà tàm să cau gơtìp kòp tus mờ cau ờ gơtìp kòp. Den tàng, tu\ he pơn chèo den geh kơrian mờ broă gơtìp bơh dà par tàm tiah bơdìh.

Tàm do he kung pal đơs ngan, jơnau pơn chèo do den gơtùi ngui ală chèo biài bè ờs mờ he gơtùi pìh ìs ra` tơnơ\ mờ hơ\ den ngui tai uă dơ\.

Ală bơta kờ` pal kah tu\ tus tàm tiah gal cau tàm kàl gơtìp kòp Covid-19:

-Rào tê sùm.

-Pờ mpồng mờ ku tê.

-Tơmù broă tus tàm anih gal cau.

-Tàm tiah gal cau, ntào rềp, nhơm trồ tiah ờ geh (ntùng măi, hìu ga, rơndeh ồs…) den tàng pal soh phan ndơ\p, pơn chèo mờ tơmù tìp rềp, boh bơr.

-Lơh kloh kòp jăt gah phan ngui pah ngai (điện thoại, măi vi tính, kơ[àng lơh broă, kho\, je\p…).

-Ngui chèo 3 tăp tu\ l^k bơdìh, tìp mờ tiah gal cau. Neh tă chèo den ờ gơtùi ngui tai.

-Tơmù uă ngan broă rơpồc tê tềng muh măt.

-Sơnkroh bơr mờ dà geh ngui ha là dà boh hang di mơ.

-Pal kah tu\ bơsiă, ngkhàk, ntas pal mu\t tàm hìu jă brê ha là ngui chèo pơ-àr kơl dìng bơr..

-Ba` sơgiăo phan sa cau ndai in.

-Gàr ram să jan, tàm hơ\ uă ngan là tềng ngko, rơnồng dờ, muh mờ mpàng tê, mpàng jơng.

-Mìng geh sa ală phan sa neh sin. Tàm tu\ do, ba` blơi mờ gơsơ\t ală phan kis lơi.

Cau mblàng Ndong Brawl