VOV4.K’ho – Nam 2017, UBND càr Lâm Đồng neh ki\ ring bal rơndap broă lơh bơcri pria\ lơh gùng che ồs đèng ai git nđờ rhiang hìu bơnhă làng bol ntrờ` tiah kis khat gơboh tàm [òn làng bol ơm kis Dà Mpô, gơ wèt xã Liêng Srônh, kơnhòal Đam Rông in mờ kờp jơh pria\ bơcri mờr 5 tơmàn pria\. UBND kơnhòal Đam Rông lơh cau tờm bơcri pria\ rơndap broă lơh. Bulah bè hơ\ tơnơ\ 3 nam, gùng che đèng trung thế neh geh lơh tus nggùl thôn, mơya làng bol kung ờ hềt geh ngui gùng che ồs đèng sơl. Ờ geh ồs đèng, broă bơsram sră bơh kơnòm dềt dê gơtìp  ờ niam, làng bol ờ git jơnau yal, rài kis ndrờm bè tam cah is mờ tiah ndai tơn.

Roh mờr 30 phuk đì rơndeh ma\i lòt jat gùng ù, lòt gan ua\ gơl kùe kơh rơ kuet rơ kue, hơ\ sồng bol a` tus thôn Dà Mpô, xã Liêng Srônh, kơnhòal Đam Rông, càr Lâm Đồng. Do là tiah ơm kis bơh rlau 200 hìu bơnhă làng bol kòn cau Mông ntrờ` mut ơm kis bơh ală càr tiah đah tô dà lơgar. Mờr 20 nam kis tàm nggùl tiah brê bơ nơm, bơta đèng chu mờ zờu àng ờ loh pah tu\ trồ mang kung gam geh sùm tàm tiah do.

Gùng che đèng trung thế neh geh lơh tus nggùl thôn Dà Mpô mơya làng bol kung ờ hềt geh ngui gùng che ồs đèng

Ồng Sùng Seo Giáo yal, bơh sơn rờp tu\ sền go\ gah ồs đèng sơn tơp `jrong, hoài che mut tàm do, làng bol tàm thôn bơh cau kra tus kòn de ndrờm chờ hờp lơm. Geh hìu gam lòt blơi glah gơm priang mờ đèng, ti vi, tùh mrềt, bè hơ\ mờ neh mờr 3 nam, tus tu\ do gùng che ồs đèng kung ờ hềt geh sơl:

“Gùng che ồs đèng do hoài mut tàm do kung neh mờr 3 nam. Làng bol kơp kờ` mhar geh đèng nàng sòl àng, hơ\ sồng lơh ma\i ma\i kòi, [ồm dà. Tu\ do lơh kơphe làng bol ua\ ngan là ngui ma\i tuh mờ zờu den tàng hoàc ua\ ngan pria\ jền, dilah geh gùng che đèng den ngui mô tơ, den tềm pềr ngan. Làng bol cau lơi kung kơp kờ` gơ noar atbồ tàm [òn lơgar dong mhar geh gùng che ồs đèng nàng làng bol in ngui”.

Bơh càr Vĩnh Long lòt jat kòn klau mut tàm thôn Dà Mpô lơh broă lơh sa rlau 15 nam do, hìu bơnhă ồng Phạm Văn Chiến kung ờ hềt dùl dơ\ geh ngui gùng che ồs đèng nàng sòl àng, nàng drơng rài kis in sơl. Ồng Chiến yal, să tờm ồng neh kra, rài kis ờ geh ồs đèng, ờ geh gùng neh mờng quèng mìng nđàc kòn sau in gời:

“He r[ah den tàng pal mut tus ndo nàng lòt lơh ơpah jòi sa. A` kơp kờ` dà lơgar sền gròi lơh gùng, lơh đèng làng bol in. Nàng hìu bơnhă in geh ồs đèng ngui, nàng kòn sau in tơ nơ\ do bơsram sră ờ huan kal ke tai”.

Bơh kơp kờ` bơh ồng Chiến dê kung là bơta ờ suk bal bơh git nđờ rhiang nă làng bol tàm thôn Dà Mpô dê, tàm hơ\ geh ală oh dềt. Oh Dương Thị Phương, kơnòm bơsram ơdu\ 8, hìu bơsram kấp 2 Dà Rsal, thôn Dà Mpô, xã Liêng Srônh kơp kờ`, ờ gam pal bơsram tàm bơta àng ờ loh bơh đèng zờu dê tai mờ ờ gam pal lòt tus hìu bơsram tàm ală gơl gùng bo\ lơm bè tai:

“Oh kơp kờ` geh gùng niam nàng lòt bơsram mờ geh ồs đèng nàng bol oh in bơsram niam rlau”.

Ờ mìng rlau 200 hìu bơnhă làng bol tàm thôn Dà Mpô kơp gơn ồs đèng, mờ ngài mờ hơ\ ờ ua\, 80 hìu bơnhă làng bol bơh thôn Pang Pế Nậm, xã Dà Rsal  ơm kis hơ đơm gùng che đèng trung thế bè do kung ờ hềt geh ngui gùng che ồs đèng sơl.

                                                        Dùl gah thôn Dà Mpô 

Ồng Thái Văn Phúc, Chủ tịch UBND xã Dà Rsal, kơnhòal Đam Rông pà git:  Ua\ nam do, ală hìu bơnhă tàm do ngui bình ắc quy, đèng chu mờ zờu, hìu bơnhă lơi geh pria\ jền den crap pil năng lượng mat tơngai. Mơya mìng gơtùi sòl àng dùl nơm [ong đèng gời:

“Gùng che ồs đèng lòt gam thôn Dà Mpô tàm xã Dà Rsal den geh mờr 80 hìu bơnhă làng bol, ờ mìng broă lơh sa mờ rài kis tu\ do kung ờ hềt geh ngui ồs đèng sơl. UBND xã neh pơrjum làng bol mờ geh sră yal pơyua kơnhòal in dan lơh gùng che đèng hạ thế nàng pờ tơlik ồs đèng ai ală hìu bơnhă làng bol kis tàm gùng che đèng trung thế lòt gan”.

Rơndap broă lơh pờ tơlik đèng ai thôn Dà Mpô in geh UBND kơnhòal Đam Rông jàu Tiah tờm atbồ mờ ngui broă lơh bal kơnhòal dê lơh cau tờm bơcri pria\. Mơya mờr 3 nam do, tài gam ua\ kòl yan  den tàng rơndap broă lơh do kung gam ờ hềt gơtùi pờ tơlik ồs đèng ală hìu bơnhă làng bol in.

Ồng Nguyễn Hải Thái, Phó Kuang atbồ tiah tờm atbồ mờ ngui broă lơh bal kơnhòal Đam Rông yal lơh loh, tài gùng lòt kal ke, 2, 3 tiah pal cribơyai mờ làng bol hơ\ sồng gơtùi sơn tơp `jrong đèng, den tàng tơngai lơh rơndap broă gơtìp aniai:

“Tu\ do, kơnhòal neh bơcri lơh gùng che ồs đèng trung thế mut tus tàm bồ thôn Dà Mpô. Jơnau mờ làng bol ờ hềt geh ngui ồs đèng là ờ hềt gơtùi lơh trạm hạ thế. Jơnau là tài bơh bol a` pal lòt bal mờ broă lơh gùng lòt, tu\ lơh gơs gùng lòt den bol a` geh sơn tơp `jrong hạ thế mờ pờ tơlik ồs đèng làng bol in”.

Tu\ lơi den hơ\ sồng làng bol Dà Mpô geh ồs đèng nàng drơng broă lơh sa, gàr kơ\ kơljap rài kis, brồ guh lik klàs r[ah; kơnòm dềt ờ gam bơta pal bơsram tàm ală bơta đèng chu mờ zờu àng ờ loh… kung gam là jơnau lùp ờ hềt geh jơnau hơ sơl.

Cau mblàng K’Duẩn