VOV4.K’ho - Lơh jat srơh “Gùt làng bol tam klac bal bơt bơtàu [òn lơgar pa, tiah drà gơguh jak, kis niam lơh àng sơdah jơnau yàng”, làng bol jat yàng Bàp tàm càr Dak Lak neh jơh nùs tàm pơr lòng lơh broă, lơh sa, bơtàu tơnguh lơh sa, pơgồp bơnah bơt bơtàu [òn tờm pas sơm, niam bơne\, lơh tam gơl muh mat bơh ua\ tiah [òn lơgar dê.

Pơn rơ ngan ai broă lơh tă pơgồp bơh cau jat yàng Bàp dê tàm broă bơt bơtàu [òn lơgar pa tàm càr Dak Lak là hìu yàng Tân Hòa, xã Ea Tiêu, kơnhòal Cư Kui` mờală broă lơh mùl go\ ngan bè ai is ù lơh gùng lòt [òn lơgar, tă pơgồp is pria\ jền nàng tuh bê tông mờ lă mờ cài jơh ală gơl gùng lòt tàm [òn jat yàng.

Ồng Nguyễn Quang Huy, Chủ tịch Hội đồng hìu yàng Tân Hòa yal: hìu yàng Tân Hòa tu\ do geh rlau 1 rbô hìu bơnhă, bal mờ rlau 5 rbô 650 nă cau jat yàng Bàp, tàm ală nam do, làng bol tàm tiah do sùm tam klac bal dùl nùs, bal mờ gơp lơh jat srơh tàm pơr lòng “Gùt làng bol tam klac bal bơt bơtàu [òn lơgar pa, tiah drà gơguh jak, kis niam lơh àng sơdah jơnau yàng”: 

“Nam 2019, jơh gùt làng bol hìu yàng Tân Hòa neh ai is ù lơh gùng, hòi jà tă pơgồp geh rlau 7 tơmàn pria\ nàng tuh bê tông mờ lă cài rlau 10 kơi sồ gùng lòt gùt dar [òn ơm kis. Tơl sơne\ gùng [òn gùt dar tiah ơm kis bơh hìu yàng Tân Hòa dê neh gơ gơs dờng ơnàng mờ niam, sàng kloh rlau mờ gùng lòt lă mờ cài, tuh mờ bê tông geh lơh bơh bơta tă pơgồp bơh làng bol tàm hìu yàng Tân Hòa dê, gùng lă mờ cài neh pơgồp bơnah tam gơl muh mat [òn lơgar tàm [òn, cèng wơl bơta chờ hờp tơl hìu bơnhă in”.

Là cau jat yàng bơh hìu yàng Tân Hòa thôn 1, xã Ea Tiêu, kơnhòal Cư Kui` dê, ồng Hoàng Vinh Sơn git loh, nàng gơtùi geh ală gơl gùng lòt tuh mờ bê tông, lă mờ cài kơ\ kơljap, sàng kloh, niam bơne\ bè tu\ do, là kơnờm geh bơta dùl nùs bal bơh jơh gùt làng bol jat yàng Bàp tàm [òn jat yàng dê.

Ờ mìng ai is ù nàng rề ơnàng gùng lòt, tă pơgồp jơh pria\ jền lơh gùng lòt kơ\ kơljap. Tàm nam 2019, mờ broă lă mờ cài 10 kơi sồ gùng lòt gùt dar [òn làng bol ơm kis neh lơh tam gơl muh mat [òn lơgar bơh hìu yàng Tân Hòa dê, lơh gơlik ală gơl gùng kòt ờ mìng dờng ơnàng, mờ gam ring bal mờ niam tai:

“Làng bol jat yàng Bàp sùm git, gùng lòt dờng niam den kung gơ jat bal mờ broă lơh sa bơtàu tơnguh, pơgồp bơnah bơt bơtàu muh mat [òn tờm. {òn jat yàng tơlir, kloh niam, den tàng tu\ geh bơta hòi jà bơh bèp yàng mờ Hội đồng hìu yàng dê, làng bol neh jơh nùs lơh jat, geh ală hìu bơnhă tă tus git nđờ jơt tơlak pria\ nàng lơh gùng mờ lơh gơs broă lă mờ cài gùng lòt gùt dar [òn làng bol ơm kis lài mờ Kàl Noel 2019 nàng làng bol in wă rò kàl Noel sơlơ chờ hờp mờ ring lơngai”.

Ờ mìng ai is ù, tă pơgồp ngai lơh broă lơh niam gùng lòt [òn lơgar, nam 2019, làng bol jat yàng Bàp càr Dak Lak neh hòi jà tă pơgồp geh rlau 6 tơmàn pria\ nàng lơh broă mpồl bơtìan, dong kờl ală cau geh rài kis kal ke brồ guh tàm rài kis. Kuơmàng, neh lơh 29 nơm hìu nùs nhơm, kờp pria\ tă lơh rlau 900 tơlak pria\; tă pơ gồp kes pria\ kis git jơnau git adat rlau 48 tơlak; tă pơ gồp ai broă lơh dong kờl bơsram in, dong kờl ală ơdu\ bơsram nùs nhơm , pà pria\ dong kờl bơsram kờp jơh mờr 3 tơmàn pria\...

Ồng Dương Văn Tuệ, Phó Chủ tịch Thường trực Ủy ban tam klac bal mpồl jat yàng Bàp càr Dak Lak pà git, pơn jat chồl pràn lơh jat srơh tàm pơr lòng kờ` gơboh dà lơgar bơh làng bol jat yàng Bàp càr Dak Lak dê, pơgồp bơnah bal mờ gùt jơi bơtìan lơh jat broă lơh tam gơl pa dà lơgar, pơn jat gàr sùm mờ bơtàu tơnguh srơh “Gùt làng bol tam klac bal bơt bơtàu [òn lơgar pa, tiah drà gơguh jak, kis niam lơh àng sơdah jơnau yàng”:

“Tơnguh bơhìan tàm kờ` gơboh dong kờl bal mờ gơp, chồl pràn broă lơh niam dong kờl cau, jơh nùs tus bal srơh kis git jơnau git adat gơwèt tus mờ ală hìu bơnhă geh màng mờ dà lơgar, hìu bơnhă cau ling sồt să, cau ling chơt màng, dong kờl ală cau geh rài kis kal ke tàm mpồl bơtìan brồ guh tơn jơh jơgloh, tơmù r[ah”.

Bơta dùl nùs bal ngui bơta pràn tàm dơlam is nàng tă pơgồp pria\ jền mờ ngai lơh broă lơh tam gơl muh mat [òn lơgar bơh làng bol jat yàng Bàp dê neh pơgồp bơnah ua\ ngan tàm broă lơh bơt bơtàu [òn tờm, dà lơgar pas sơm niam bơne\. Gơtùi đơs, hìu yàng Tân Hòa đơs is mờ ală [òn jat yàng, jơi nòi jat yàng tàm Dak Lak đơs bal mờ ală bơta pơn rơ niam tàm broă lơh jat jơnau bơto sồr bơh Bàp dờng Francis dê gơ wèt tus mờ cau jat yàng Bàp Việt Nam “Cau jat yàng Bàp lơgar Việt Nam pal là cau kờ` gơboh dà lơgar. Cau jat yàng Bàp lơgar Việt Nam pal lòt bal mờ jơi bơtìan bơt bơtàu dà lơgar gờm ram, gơboh gơbài, chờ hờp”.

Cau mblàng K’Duẩn