Pơrjum geh broă tus bal bơh rơlao 500 nă kuang bàng đơng lam ală anih lơh sa kă bro dờng lơgar Hàn Quốc mờ ală lơgar tàm mpồl ASEAN, cri bơyai ală gùng dà broă lơh kờ` tơnguh broă tam gơl pa, mờ gơnoar bơh mpồl ASEAN tềng đăp mờ broă tam gơl pa bơh broă kă bro gùt plai ù dê.

Đơs tàm pơrjum, Thủ tướng ồng Nguyễn Xuân Phúc đơs tòm, broă tus bal pơrjum là bơta niam kờ` iăt ală kuang bàng đơng lam ală anih lơh sa kă bro mờ pờ wàng tê lơh broă bal mờ anih lơh sa kă bro, kờ` chồl pràn broă lơh sa bơh mpồl ASEAN mờ lơgar Hàn Quốc geh cồng nha, cồng nha rơlao tai. Mờ gơnoar Chủ tịch mpồl ASEAN tàm nam 2020, bal mờ ală lơgar tàm mpồl ASEAN, lơgar Việt Nam geh chờ gờm ală anih lơh sa kă bro lơgar Hàn Quốc lơh jăt broă lơh wèt hờ đah jum pa kờ` pơn jăt tai bal mờ lơh broă bal, geh cồng nha mờ mpồl ASEAN.

Lài mờ hơ\, tàm [òn dờng Busan, Thủ tướng ồng Nguyễn Xuân Phúc neh tus còp anih ơhò ơm dà lềng Busan-do là anih ơhò ơm dờng ngan lơgar Hàn Quốc dê.

Cau mblàng Ndong Brawl