VOV4.K’ho - Tàm [òn dờng Hạ Long, càr Quảng Ninh geh bơyai lơh pơrjum dơ\ 4 bơh Bộ Quốc phòng lơgar Cộng xã hội chủ nghĩa Việt Nam mờ Mpồl duh broă mặt trận Dà lơgar tam klăc bal tơnguh bơtàu dà lơgar Campuchia.

Tàm pơrjum, bàr gah neh đơs niam ală cồng nha neh lơh geh jăt tơngu me pang sră bơh pơrjum dơ\ 3 mờ broă lơh jăt ală rơndăp broă gàr bơta niam, cồng nha niam.

Bơh nam 2015 tus tu\ do, lơgar Việt Nam neh dong kờl lơgar Campuchia rơlao 13 tơlăk đôlar Mỹ kờ` lơh 20 rơndăp broă bơ\t bơtàu, lơh niam wơl, bơtơl niam jơnang g^t gơ\p mờ lơh niam wơl hìu lơh broă bơh Mpồl duh broă mặt trận dà lơgar tam klăc bal tơnguh bơtàu dà lơgar Campuchia.

Mờ broă lơh ngan bơh bàr gah, tus tu\ do tàm khà 20 rơndăp broă neh geh lơgar Việt Nam dong kờl priă lơh, geh 16 rơndăp broă lơh gơs broă bơ\t bơtàu, lơh niam wơl, bơtơl niam; pe rơndăp broă gam lơh mờ dùl rơndăp broă rơcang mu\t lơh.

Tàm tơngai tus, bàr gah geh pơn jăt tai lơh geh cồng nha ală tơngu me neh geh k^ hơ bal tàm ală pơrjum.

Cau mblàng Ndong Brawl