VOV4.K’ho - Mho òr (30/7), tàm pơrjum Bộ trưởng Ngoại giao mpồl ASEAN dơ\ 52 (AMM52) mờ ală pơrjum gơrềng bal, Phó Thủ tướng, Bộ trưởng Ngoại giao ồng Phạm Bình Minh neh geh dơ\ tìp bal mờ Bộ trưởng Ngoại giao lơgar Indonesia mò Retno Marsurdi.

Bàr gah ring bal tơnguh broă lơh bal kuơ màng bơh lơgar Việt Nam mờ lơgar Indonesia tàm ală gah broă, tàm hơ\ geh broă lơh bal bè ală broă tàm dà lềng.

Cri bơyai bè ală broă tàm tiah do mờ tàm dunia geh sền gròi bal, bàr gah đơs tòm tus mờ broă kuơ màng bơh broă chồl pràn tam klăc bal mờ gơnoar tòm bơh mpồl ASEAN dê, chồl pràn broă lơh bal mùl màl mờ geh cồng nha tàm mpồl ASEAN kung bè bơh mpồl ASEAN mờ ală lơgar lơh broă bal.

Bè broă tàm dà lềng đah măt tơngai l^k, bàr gah đơs tòm ală gah pal lơh jăt adăt boh lam dunia, kuơ màng là Công ước bơh Liên Hợp Quốc bè dà lềng nam 1982, geh sùm bơta ring lơngai, ring niam mờ tơnguh broă pin dờn bal bơh ală lơgar.

Cau mblàng Ndong Brawl