VOV4.K’ho- Tàm thị xã Gia Nghĩa, UBND càr Dăk Nông bơyai lơh Pơrjum tơn jơh sền wơl ală broă lơh lơh broă sa sươn sre ngui công nghệ cao pơnrơ tàm càr.

                         Pơrjum tơn jơh sền wơl broă lơh ngui công nghệ cao tàm Dăk Nông

Jat UBND càr Dăk Nông đơs, nàng lơh pràn lơh tam gơl pa lơh sa sươn sre tàm càr, Dăk Nông neh bơ\t bơtàu Tiah lơh broă sa sươn sre ngui công nghệ cao bal mờ bă ù ơnàng 120 lồ. Do là tiah lơh ală rơndăp broă lơh kơlôi sơnơng, lơh ală broă lơh pơlam lơh, mơkung gơhòi gơ jà bơcri priă, bơto pơlam tàm jàu ngui jak chài măy mok lơh broă sa sươn sre.

UBND càr Dăk Nông geh jơnau kờ` tus nam 2035, digơlan geh 55 tiah tàm càr ngui công nghệ cao tàm lơh broă sa sươn sre tàm ală khà krơi is, lơh gơlik bơh 60-70% kờp jơh priă lơh geh bơh lơh broă sa sươn sre gùt càr dê. Tàm uă gùng dà broă lơh nàng lơh jat jơnau kờ` do, càr sền dờng màng ngan broă gơhòi gơ jà bơcri priă, dong kờl crơng gơs ală mpồl lơh sa kă bro lơh broă sa sươn sre. Ală mpồl lơh sa kă bro do tus bal mờ mpồl lơh sa kă bro, ai tơmu\t geh măy mok jak chài pa rài do dê, dùl ròt bal tàm broă lơh sa.

Cau mblàng Lơ Mu K’Yến